Жуманжи
Жуманжи—1995-йилда режиссёр Жоэ Жоҳнсон томонидан яратилган дарк фентези саргузашт жанридаги Америка филми. Филм ссенарий муаллифлари Жонатҳан Ҳенслеигҳ, Жим Страин ҳамда Грег Тайлорлар бўлиб, Чрис Ван Аллсбургнинг 1981-йили болалар учун яратган расмли китобига асосланган. Ушбу филм Жуманжи сериали филмларининг дастлабкиси бўлиб, унда актёрлардан Робин Wиллиамс, Кирстен Дунст, Давид Алан Гриэр, Бонниэ Ҳунт, Жонатҳан Ҳйде ва Бебе Неуwиртҳ кабилар рол ижро этишган. Филм воқеалари ғайритабиий стол ўйини атрофида кечади ва ушбу ўйин иштирокчилари ҳар бир юриш туфайли турли хил хавф-хатарларга дучор бўладилар.
| Жуманжи | |
|---|---|
|
Файл:Жуманжи постер.жпег Филм постери | |
| Режиссёр(лар) | Жоэ Жоҳнстон |
| Продюсер(лар) |
|
| Ссенарий муаллиф(лар)и |
|
| Қайси асарга асосланган |
Жуманжи –Чрис Ван Аллсбург |
| Ролларда | |
| Бастакор(лар) | Жамес Ҳорнер |
| Оператор(лар) | Тҳомас Э. Аcкерман |
| Монтажёр(лар) | Роберт Далва |
| Студия | |
| Дистрибютор | Сонй Пиcтурес Релеасинг |
| Премера санаси |
|
| Давомийлик | 104 дақиқа |
| Мамлакат |
 АҚСҲ |
| Тил | инглизча |
| Бюджет | $65 миллион[1] |
| Даромад | $262.8 миллион[1] |
Жуманжи 1995-йилнинг 15-декабрида Сонй Пиcтурес Релеасинг томонидан тақдим этилган. Танқидчилар филмни турлича баҳолашган бўлишса-да, у касса даромади жиҳатдан муваффақият қозонган. Бюджети 65 миллион долларни ташкил этган бўлса, касса тушуми 263 миллион доллардан ошган ва 1995-йилнинг энг кассабоп филмлари рўйхатида 10-ўринни эгаллаган.
Филмдан илҳомланиб анимацион телевизион сериал яратилган ҳамда 1996-1999-йиллар оралиғида эфирга узатилган. Шунингдек, кейинчалик Затҳура: А Спаcе Адвентуре(2005) спин-офф филми ҳамда Жуманжининг мантиқий жиҳатдан давоми бўлган Жуманжи: Wелcоме то тҳе Жунгле(2017), Жуманжи: Тҳе Нехт Левел(2019) сингари иккита филм яратилган.
Сюжети
1969-йил, Алан Парриш Неw-Ҳампширенинг Брантфорд шаҳрида ота-онаси (Сам ва Cарол) билан бирга яшарди. Бир куни у безори болалардан қочиб, отасининг поябзал фабрикасига бориб қолади. Дўсти Cарл унга ўзи тиккан янгича поябзални кўрсатади. Алан поябзални тасодифан нотўғри жойга қўйиб, унга зарар бериб қўяди, лекин Cарл жавобгарликни ўз зиммасига олиб, ишдан бўшайди. Безорилар Аланни қувлаб, велосипедини олиб қочиб кетишганидан кейин, Алан қурилиш бўлаётган жойдан келаётган ғалати дўмбира овозига қизиқиб, у томонга боради. У устига Жуманжи деб ёзилган эски ўйин доскасини топиб олиб, уйига олиб келади.
Маҳаллий интернат-мактабга бориш бўйича Сам билан бўлган келишмовчиликдан сўнг Алан қочишни режалаштиради. Худди шу пайтда унинг дўсти Сараҳ Wҳиттле Аланнинг велосипедини олиб келади. Алан унга Жуманжини кўрсатади ва бирга ўйнаб кўришни таклиф қилади. Ҳар тош ташлашдан сўнг ўйин доначалари ўзлари ҳаракатланишади ва юришнинг натижаси досканинг ўртасидаги кристал шарда намоён бўлади. Аланнинг бехосдан тош ташлаб юбориши натижасида ўйин ишга тушиб кетади ва хабар келади. Унда айтилишича, яна кимдир бешлик ёки саккизлик тошни ташламагунча, Алан чангалзорда жон сақлаши керак бўлади ва ўйин Аланни ютиб юборади. Бироздан кейин эса Сараҳ кўршапалаклар тўдасидан қочиб, уйдан чиқиб кетади.
Орадан йигирма олти йил ўтгач, Жудй ва Петер Шепҳерд ота-онаси ўтган йил қишда Cанадага чанғида саёҳат қилиш жараёнида бахциз ҳодиса туфайли ҳалок бўлганидан сўнг холаси Нора билан бирга айни пайтда сотувга қўйилган Парришлар уйига кўчиб ўтишади. Жудй ва Петер томдан Жуманжини топиб олишади ва ўйнаб кўришади. Уларнинг ташлаган тошлари оқибатида ўйин ичидан баҳайбат чивинлар ва бир гала маймунлар чиқиб келишади. Қоидаларида ўйин тугагандагина ҳаммаси ўз ҳолига қайтиши айтилганлиги сабаб улар ўйнашда давом этишади. Петер беш рақамини туширади ва натижада ўйин ичидан арслон ҳамда катта ёшли Алан чиқиб келади. Ташқарига чиқиб кетаётганида Аланнинг кўзи эски дўсти Cарлга тушади, эндиликда у полиция ходими бўлиб ишларди. Харобага айланган поябзал фабрикасига борганда, Алан, Петер ҳамда Жудй шуни тушуниб етишадики, Сам йўқолиб қолган ўғлини топиш учун поябзал фабрикасини ёпган ва 1991-йили вафот этгунигача Аланни қидирган. Фабриканинг ёпилиши натижасида Брантфорд иқтисодий муаммога дуч келади.
Ўйинни якунлаш учун уларга Сараҳ зарурлигини тушуниб, учовлон ҳам Жуманжининг дастидан ҳам Аланнинг ғойиб бўлишидан тушкунликда бўлган Сарани топиб, уни ўйинга қўшилишга кўндиришади. Сараҳ ва Алан шу заҳоти кейинги юришни қилишади натижада Алан биринчи бор ўйин ичида танишган Ван Пелт исмли ўйин овчиси ўйиндан ташқарига чиқиб келади. Кейинги юришлар турли ҳайвонларнинг, шу жумладан бир нечта сақоқушларнингм ваҳимага тўлган сурувини озод қилиб юборади, улардан бири ўйин тахтасини ўғирлаб кетади. Петер тахтани қайтариб олади, лекин Cарл Аланни ҳибсга олади. Бу рўй бераётган ҳодисалар шаҳарда вайронагарчиликларни келтириб чиқаради, Ван Пелт эса ўйин тахтасини ўғирлаб кетади.
Петер, Сараҳ ва Жудй яқин орада жойлашган чегирмалар дўконига боришади ва Ўйин тахтасини қайтариб олиш учун Ван Пелт билан уришишади. Бу орада Cарл Аланнинг шахси тасдиқлангач, уни қўйиб юборади. Тўртовлон уйга қайтгач, Ван Пелт етиб келгунга қадар яна бир офатни бошларидан ўтказишади. Ваниҳоят Алан ташлаган тош ўйинни ютади ва ўйин сабаб вужудга келган ҳамма кўнгилсизликлар ўйин ичига кириб ғойиб бўлади.
Алан ва Сараҳ ўша ҳаммаси бошланган 1969-йилга, Алан Сам билан ярашиб олишлари учун айни мос вақтга қайтишади. Сам Аланга у интернат-мактабда ўқиши шарт эмаслигини айтади. Шунда Алан оёқ кийимни унинг ўзи йиртиб қўйганини тан олади ва Cарлни қайта ишга олишади. Ўйин келтирган ташвишлар ҳақида эслашар экан, Алан ва Сараҳ Жуманжини дарёга улоқтириб юборишади.
1994-йилги Рождествода яқинда турмуш қурган Алан ва Сараҳ илк марта фарзанд кутишаётган эди. Аланнинг ота-онаси ҳали тирик, Аланнинг ўзи эса оилавий бизнесни муваффақиятли юритаётган эди. Алан ва Сараҳ Жудй, Петер ва уларнинг ота-онаси Жим ва Мартҳа билан Рождество базмида биринчи маротаба учрашишади. Алан Жимга иш таклиф қилиб, уларни чанғи сайрини бекор қилишга кўндиради. Бу эса уларни аввалги вақт оралиғида содир бўлган ўлимдан қутқариб қолади.
Шу пайтда соҳил бўйида[2], қумларга чала кўмилганча, Жуманжи ўйин тахтаси ётарди. Икки франсуз қиз соҳил бўйлаб кета туриб ўйин ичидан таралаётган барабан овозини эшитиб қолишади.
Ролларда
- Робин Wиллиамс Алан Парриш ролида, сўнгги йигирма олти йил давомида Жуманжида қамалиб қолган одам. Адам Ҳанн-Бйрд эса қаҳрамоннинг ёшлигини гавдалантирган.
- Кирстен Дунст Жудй Шепҳерд, Петернинг синглиси ва Норанинг жияни.
- Давид Алан Гриэр Cарл Бентлей ролида, Парриш оиласининг пояфзал ишлаб чиқариш бизнесида ишчи, кейинчалик касбини полициячига ўзгартирган.
- Бонниэ Ҳунт Сараҳ Wҳиттле ролида, Аланнинг дўсти ва унинг ғойиб бўлишига сабаб бўлган воқеалардан тушкунликка тушиб қолган муҳаббати. Лаура Белл Бундй эса қаҳрамоннинг ёшлигини гавдалантирган.
- Жонатҳан Ҳйде эса иккита ролни:
- Ван Пелт, Жуманжидаги Аланни таъқиб қилувчи овчи, шунингдек
- Сам Парриш, Аланнинг отаси ролларини ўйнаган.
- Бебе Неуwиртҳ Нора Шепҳерд ролида, Жудй ва Петернинг холаси ҳамда қонуний васийси.
- Брадлей Пиэрcе Петер Шепҳерд ролида, Жудйнинг укаси ва Норанинг жияни.
- Жамес Ҳандй Парришнинг уйидаги кўршапалакларни йўқотиш учун Шепҳердлар томонидан чақирилган зараркунандаларга қарши курашувчи сифатида.
- Патриcиа Cларксон Cарол Парриш ролида, Аланнинг онаси.
1995-йилда филмда суратга тушган актёрлар орасида, шунингдек риэлтор Томас хоним ролида Гиллиан Барбер, Жудй ва Петернинг ота-онаси ролида Малcолм Стеwарт ва Аннабел Кершаw, Жим ва Мартҳа, қурол сотувчиси сифатида Даррйл Ҳенриқуэс ва фелдшерлар жамоаси сифатида рол ижро этган Робйн Дрисcолл ва Петер Жамес Брянтлар бўлган.
Яратилиши
Манбалар
- ↑ 1,0 1,1 „Жуманжи“. Бох Оффиcе Можо. 2019-йил 17-декабрда асл нусхадан архивланган. Қаралди: 2024-йил 3-ноябр.
- ↑ Wеисс, Жош „Жуманжи Аутҳор Чрис Ван Аллсбург Ревеалс Унмаде Сеқуэл Идеас“. Сйфй Wире. Сйфй Медиа (2023-йил 20-декабр). Қаралди: 14-ноябр, 2024.[сайт ишламайди]