Kahf surasi

Файл:Чаптер 18, Ал-Каҳф (Мураттал) - Реcитатион оф тҳе Ҳолй Қур'ан.мп3 Каҳф сураси (арабча: سورة الكهف‎‎, номининг маъноси — Ғор) — Қуръоннинг 18-сураси. Маккий суралардан бири, 110 оятдан иборат. Бу сура Қуръоннинг 293–304-саҳифасида ва 15-16-жузида жойлашган. 69-бўлиб нозил бўлган.

Марям ←   18–сура  → Исро

Каҳф сураси — سورة الكهف
Суранинг арабча матни
Номининг маъноси	Ғор
Таснифи	Маккий сура
Статистика
Саҳифаси	293–304
Жуз	15-16
Сура рақами	18
Оятлар сони	110
Сажда ояти	йўқ
Рукуълар сони	12
Муқаттаот ҳарфлари	йўқ
Сўзлар сони	1583
Ҳарфлар сони	6425
Нозил бўлиш тартиби	69
Арабча матни	ар.wикисоурcе.оргда танзил.нетда
Таржималари	ҚуранАcадемй.орг қуран.узда
Тиловат тартиби Марям сураси   18   Исро сураси Нозил бўлиш тартиби Наҳл сураси    69   Ғошия сураси

Асосий маъноси

Сурада кишиларнинг Аллоҳ таолога бўлган иймон-эътиқодларини мустаҳкамлаш учун энг гўзал, ибратли қиссалардан учтаси сўйлаб берилади.

Улардан биринчиси "Ас'ҳобул-Каҳф" қиссаси бўлиб, унда золим ҳоким истибдодидан дин-у иймонларини сақлаб қолиш учун ўз жонларини фидо қилган йигитларнинг бир каҳфга - ғорга паноҳ тортиб киришиб, у жойда уч юз йил қолиб кетишгани ҳақида ҳикоя қилинади. Суранинг "Каҳф" — "Ғор" деб номланишига сабаб ҳам шудир.

Иккинчи қисса Мусо ва Хизр пайғамбарлар қиссаларидирки, унда Мусо алайҳиссаломнинг илм йўлидаги хокисорликлари, Хизир алайҳиссаломнинг бошқа пайғамбарларга берилмаган ғойибдан огоҳлик неъматига муяссар бўлганликлари тўғрисидаги лавҳалар илоҳий қалам билан баён этилади. Учинчи қиссада Аллоҳ таолонинг марҳамати билан бутун дунёни ўз ҳукмида тутиш шарафига ноил бўлган, адолат ва тақвода беназир буюк шоҳ Зулқарнайн, у кишининг фатҳ-юришлари хусусида сўз юритилади.

Яна бу сурадан мол-у давлат ғурурланишга арзимайдиган нарсалар экани, умуман бу ҳаёти дунё ўткинчи – бебақолиги ҳақида айтилган бир қанча ибратли мисоллар ҳам жой олгандир.