Kakku

Какку

Какку, оддий какку (Cуcулус cанорус) — каккусимонлар туркумига мансуб қуш. Танасининг узунлиги 33—38 см, оғирлиги 100 г гача. Қаноти калта, думи узун. Пати кўнғир кулранг ёки қўнғир сарғиш, қорин томони оқиш бўлиб, қорамтир йўл-йўл. Европа ва Осиёнинг ўрта ва жан. ҳудудларида кенг тарқалган. Учиб кетадиган қушлардан. Уя қурмайди, тухумини чумчуқсимонлар уясига ташлаб кетади. Шунинг учун К. чумчуқсимонлар уя қурадиган деярли барча биотопларда тарқалган. Ўзбекистоннинг ҳамма дарахтзорларида учрайди. Май— август ойларида 12—25 та тухум қўяди. Тухумдан очиб чиққан К. жўжаси уя эгасининг тухумларини уядан чиқариб ташлайди. Бошқа қушларнинг уясини бузиши туфайли К. бирмунча зиён етказади. Ҳашаротлар ва уларнинг куртлари, шу жумладан, бошқа қушлар тегмайдиган пахмоқ қурт (тенгсиз ипак қурти) билан озиқланиб, фойда келтиради.