Kamol Rahmonberdiyev
- Зиёсферада исми Камол ва фамилияси Раҳмонбердиев бўлган бошқа кишилар ҳақида ҳам мақолалар мавжуд.
| Камол Раҳмонбердиев Камол Қози | |
|---|---|
Камол Раҳмонбердиев | |
| Туркистон Миллий Мажлиси аʻзоси | |
| Шахсий маълумотлари | |
| Таваллуди |
1885-йил Тошкент |
Камол Раҳмонбердиев (Камол Қози) – (1885—?) – Туркистондаги таниқли уламо. Тошкентда ташкил этилган Туркистон мусулмонларининг „Маҳкамайи шар’ия“ идораси раиси. Туркистон Миллий Мажлиси аъзоси.
Таржимайи ҳоли
Камолиддин Раҳмонберди ўғли 1885-йили Тошкентда уламо оиласида таваллуд топган. У архив ҳужжатларида қўқонлик руҳоний сифатида тилга олинади. Қўқон ва Тошкентда унинг нуфузи жуда баланд бўлган. Камол Раҳмонбердиев йирик уламо сифатида Тошкент ва Қўқондан ташқари бутун Фарғона водийсида катта шуҳрат қозонган.
Фаолияти
У 1917-йил ноябрда Камол Раҳмонбердиев (Камол Қози) Туркистон Миллий Мажлиси аъзолигига сайланган. Туркистон мухториятига барҳам берилгач, Қўқондан Тошкентга келиб, масжидда имомлик қилади. У фаолияти давомида чекислар қамоққа олгунига қадар Фарғона водийси ва Тошкентда кўплаб масжидларда имомлик билан шуғулланади. 1936-йил 22-февралда Ўзбекистон ССР НКВД томонидан Тошкентда таниқли уламолар қаторида Камол Қози (Камол Раҳмонбердиев) ва ўлка мусулмонлари бошқармаси "Маҳкамайи шар’ия)нинг собиқ раиси Заҳриддин Аълам (Зуҳриддин Аълам Қосим Хўжаев) ва бошқалар ҳам қамоққа олинади ва уларга турли сохта айбловлар қўйилади[1]. Мазкур „Мусулмон руҳонийлари“ иши совет режими Ўзбекистон ССРда уламоларга нисбаттан оммавий қатағон сиёсатини яна қайта бошлаган. 1936-йил 31-май-3-июнда бўлиб ўтган Ўзбекистон ССР Олий суди Махсус коллегиясининг суд мажлисида Камол Қози (Камол Раҳмонбердиев) 3 йил муддатга меҳнат тузатиш лагерига жазони ўташ бўйича ҳукм ўқилади. Бироқ ушбу қамоқда фақатгина Шорасул Зуннунов қайтиб келган. Тарихчи олим Қаҳрамон Ражавоб фикрига кўра, Камол Қози (Камол Раҳмонбердиев)нинг тўлиқ таржимайи ҳоли ҳали тўлиқлигича ўрганилмаган[2].