Kamxastak

Камхастак (Cерасус маҳалеб) — раънодошлар оиласига мансуб кенг шохшаббали дарахт; манзарали ўсимлик. Бўйи 10—12 м. Тана диаметри 20—30 см, кулранг ёки тўқ кулранг. Барги думалоқ, тухумсимон, бандли, қалин, уз. 6 см, четлари арра тишли. Гули 2 жинсли, хушбўй, гултожи яшил, оқиш-қўнғир. Тўпгули шингилсимон. Меваси майда, қора, қизил, яшил, оқиш-қўнғир-сариқ, сершира, нордон. Апр.да гуллаб июл — августда мева беради. Тошкент, Самарқанд, Қашқадарё ва Сурхондарё вилояти тоғлари ҳамда сой бўйларида ўсади. К.ка пайванд қилинган гилос ва олволилар тез ўсади, меваси эрта пишади ва қурғоқчиликка чидамли бўлади.

Камхастак
Биологик классификация
Олам: Ўсимлик