Kan O Nam
Кан О Нам (1926-йил 28-июл, Узоқ Шарқ вилояти, Посетовский тумани, Красное Село шаҳри – вафот этган йили номаълум, Москва) – Ўзбекистон ССР, Тошкент вилояти, Ўрта Чирчиқ тумани, Энгелс номидаги колхоз агрономи[1]. Социалистик Меҳнат Қаҳрамони унвони билан тақдирланган охирги корейс (1976). СССР Олий Кенгашининг 10-чақириқ депутати.
| Кан О Нам | |
|---|---|
| Таваллуди |
28-июл 1926-йил Красное Село, Посецкий тумани, Узоқ Шарқ вилояти |
| Вафоти |
номаълум Москва |
| Мукофотлари |
    |
Ҳаёти
Кан О Нам 1926-йил 28-июлда Посетовский тумани, Красное Село шаҳрида деҳқон оиласида туғилган[2]. Новокиэвское қишлоғида (ҳозирги Краскино) бошланғич мактабнинг тўртинчи синфини тугатган. 1937-йилда ота-онаси билан бирга Тошкент вилоятига сургун қилинган.
1940-йилда у 14 ёшли ўсмир сифатида меҳнат фаолиятини бошлаган. Тошкент вилоятидаги „Сталин Конституцияси“ колхозида ишлаган. 1943-йилдан Ўрта Чирчиқ тумани, Энгелс номидаги колхозда оддий колхозчи, 1945–1963-йилларда шу колхозда шоличилик бригадаси раҳбари, 1964–1986-йилларда эса пахтачилик бригадаси раҳбари бўлган.
1975-йилда Канг О Нам жамоаси пахта етиштириш бўйича тўққизинчи беш йиллик (1971–1976) топшириқларини муддатидан олдин бажарган. Мазкур беш йиллик режа йилларида жамоа пахта хомашёси ҳосилдорлигини гектарига 12 сентнердан 43,1 сентнерга оширган. СССР Олий Кенгаши Президиумининг 1976-йил 25-декабрдаги фармони билан у Ленин ордени, Ўроқ ва Болға олтин медали ҳамда Социалистик Меҳнат Қаҳрамони унвони билан тақдирланган.
У Тўрт марта Халқ хўжалиги ютуқлари Бутуниттифоқ кўргазмасида қатнашган.
Бир неча бор халқ депутатлари Ўрта Чирчиқ туман Кенгаши депутати (1964–1979), Ангрен сайлов округидан 10-чақириқ СССР Олий Кенгаши депутати (1979–1984) этиб сайланган.
1970-йиллардан Тошкентда, 1980-йилларнинг бошидан эса Москвада яшаган. 1980-йиллар бошида у Социалистик Меҳнат Қаҳрамони Хван Ман Геум билан биргаликда делегация таркибида Шимолий Кореяга ташриф буюрган.
Канг О Нам Москвада вафот этган. Ўлим санаси аниқланмаган.
Мукофотлари
- Социалистик Меҳнат Қаҳрамони
- Ленин ордени – икки марта (1970, 1976)
- Октябр Инқилоби ордени (1973)
- Меҳнат Қизил Байроқ ордени (1982)
- „Ҳурмат Белгиси“ ордени (1966)
- „Владимир Илич Ленин таваллудининг 100 йиллиги муносабати билан“ медали
Адабиётлар
- Шин Д. В., Советские корейцы Герои Социалистического труда, Алматы: Сервиcе Пресс, 2019
- З. В., Пан Н. Г. Герои Социалистического Труда — казахстанцы, Алма-Ата, 1969—1985, тт. 1-5
- Мен Д. В., Квон Л. А., Ким, Советские корейцы Казахстана, Алматы, 1992
- Ким П. Г., Корейцы Республики Узбекистан, Ташкент: Узбекистон. 1993
- Кан Г. В., История корейцев Казахстана, Алматы: Гылым, 1995
- Ким Г. Н., Мен Д. В., История и культура корейцев Казахстана, Алматы: Гылым, 1995
- Ким Б. И., Корейцы Узбекистана. Кто есть кто, Ташкент, 1999
Манбалар
- ↑ „Герой Социалистического Труда Кан О Нам - Герои страны“. www.wарҳероэс.ру. Қаралди: 22-ноябр 2023-йил.
- ↑ „Дмитрий Шин в Новой жизни и Солдатском“. www.корё-сарам.сите. Қаралди: 22-ноябр 2023-йил.