Karimbergan Rahmonberganov
Karimbergan Rahmonberganov (1870 — Xiva — 1959) — toshtarosh usta, muhrkan, kandakor. Bobosi Xudoybergan muhrkan va otasi usta Rahmonbergan Xudoyberganovlar bilan birga ishlab hunar oʻrgangan. Bobosi bilan Xiva xoni Muhammad Rahim II va Isfandiyorxon hovli saroyidagi, Koʻhna, Ark, Islomxoʻja madrasasi ayvonlaridagi ustunlarga marmardan oʻyma naqshli poyustun (oʻratosh)lar ishlagan; otasi bilan Xivaning meʼmoriy obidalari (Toshhovli, Koʻhna Ark va boshqalar)ni taʼmirlashda qatnashgan. Rahmonberganov Toshkentdagi Navoiy teatrining Xiva zalini bezash uchun nafis naqshlar bilan bezatilgan marmar namoyonlar yaratgan[1].
Manbalar
- ↑ "Rahmonberganov Karimbergan" OʻzME. R-harfi (Wayback Machine saytida 2022-02-03 sanasida arxivlangan) Birinchi jild. Toshkent, 2000-yil
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Ushbu maqola çaladir. Siz uni boyitib, ZiyoSferaga yordam berişingiz mumkin. Bu andozani aniqrogʻiga almashtirish kerak. |