Karimjon Boymirzayev
Boymirzayev Karimjon Mirzaxmedovich –1962-yil 18-yanvarda Namangan viloyati, Uychi tumanida ishchi oilasida tugʻilgan. Millati — oʻzbek. Oilali, 4 nafar farzandi bor.1984-yilda Samarqand davlat universitetining Geografiya fakul’tetini tugatgan. Samarqand davlat universiteti huzuridagi Ilmiy darajalar beruvchi DSc.03/30.12.2019.Gr.02.07 raqamli ilmiy kengashda 2020 yil 19-dekabrda 11.00.01–Tabiiy geografiya ixtisosligi boʻyicha dissertatsiyasini muvaffaqiyatli himoya qilgan. 2020 yil 31-dekabrda Geografiya fanlari doktori (DSc) ilmiy darajasi berilgan. Umumiy va pedagogik ish staji — 42 yil, ilmiy va pedagogik ish staji — 42 yil.
| Boymirzayev Karimjon Mirzaxmedovich | |
|---|---|
| University of Business and Science rektori | |
|
Mansab davri 30-avgust 2023-yil | |
| Shaxsiy maʼlumotlari | |
| Tavalludi |
1962-yil 18-yanvar Namangan viloyati, Uychi tumani |
| Fuqaroligi | O'zbekiston |
Faoliyati
- 1986-1991.-yy. — Namangan davlat pedagogika instituti geografiya kafedrasining katta laboranti
- 1991–1995.-yy. — Namangan davlat universiteti geografiya kafedrasining oʻqituvchisi.
- 1995–1999.-yy. — Namangan davlat universiteti geografiya — iqtisod fakulteti dekani oʻrinbosari.
- 1999–2006.-yy. — Namangan davlat universiteti, geografiya kafedrasining mudiri.
- 2006.-yy. — Namangan davlat universiteti ichki nazorat va monitoring boʻlimi boshligʻi.
- 2006–2008 -yy. — Namangan davlat universiteti moliya va iqtisodiyot ishlari boʻyicha prorektor.
- 2008–2010-yy. — Namangan davlat universiteti geografiya va iqtisod fakulteti dekani .
- 2010-2018-yy. — Namangan davlat universiteti Akademik lisey va kasb–hunar kollejlari bilan ishlash boʻyicha prorektor.
- 2018-yy. — Namangan davlat universiteti Pedagogika fakultetining dekani.
- 2018-2020-yy. — Namangan davlat universiteti akademik liseyining direktori.
- 2020-2022-yy. — Namangan davlat universiteti Geografiya kafedrasining mudiri
- 2023-yil 30-avgust dan University of Business and science oliy taʼlim muassasasi rektori
Maʼlumotlar
- Boymirzayev Karimjon Mirzaxmedovich Ilmiy-pedagogik faoliyati davomida talaba-yoshlarga noanʼanaviy oʻqitish usullaridan, innovatsion pedagogik texnologiyalardan va interaktiv metodlardan unumli foydalanish yoʻllarini oʻrgatib kelmoqda. Shuningdek, Malayziya, Hindiston, Janubiy Koreya, Turkiya, Qirgʻiziston, Rossiya va Evrona davlatlarining bir qator oliy oʻquv yurtlari bilan ilmiy-tadqiqot va pedagogik sohalarida hamkorlik aloqalarini oʻrnatib kelmoqda. Top-1000 talikka kirgan bir qator universitetlarning taʼlim tizimini oʻzi rahbarlik qilayotgan oliygohning oʻquv jarayonlarida foydalanish boʻyicha amaliy ishlar olib bormoqda.
- K. M. Boymirzayev xorijiy oliy taʼlim muassasalari, Namangan viloyatining tumanlardagi mahallalar, umumtaʼlim maktablari, texnikumlar, akademik-litseylar va talabalar turar joylarida turli ilmiy va dolzarb mavzularda seminar-treninglar, davra suhbatlari va uchrashuvlar oʻtkazib keladi. Oʻzaro aloqalar, suhbat va uchrashuvlarda Oʻzbekiston Respublikasi Qonunlari, Prezident farmonlari va qarorlari, Vazirlar Mahkamasining qarorlari, Oliy taʼlim, fan va innovatsiyalar vazirligining koʻrsatmalari va boshqa normativ-huquqiy hujjatlar asosida ish yuritib keladi. Oʻquv meʼyoriy hujjatlari, axborot materiallari, zamonaviy axborot-kommunikatsion texnologiyalar, xorijiy va mahalliy adabiyotlardan foydalangan holda ish olib borilishini taʼminlashga intilib keladi va mazkur jarayonlarni ommaviy axborot vositalari, universitet sayti va telegram messenjeri orqali batafsil yoritib bormoqda.
- Talabgor K. M. Boymirzayev Oʻzbekiston Milliy va Samarqand davlat universitetlari huzuridagi ilmiy darajalar beruvchi Ilmiy kengashlarda himoya qilingan geografiya fanlari doktori (DSc) va falsafa doktori (PhD) ilmiy darajasini olish uchun taqdim qilingan 40 ga yaqin tadqiqotchilarning ilmiy ishiga rasmiy opponentlik qilgan va yuzlab dissertatsiya avtoreferatlariga taqriz bergan. Talabgor universitetda ilmiy-pedagog kadrlar tayyorlashda faol ishtirok etib kelmoqda. Uning ilmiy rahbarligida hozirgi kunga qadar 20 dan ortiq Geografiya magistratura mutaxassisligi talabalari magistrlik dissertatsiyalarini muvaffaqiyatli himoya qildilar, jumladan:
- Shuningdek, K. M. Boymirzayev ilmiy rahbarligida 2 nafar tadqiqotchi geografiya fanlari doktori (DSc) va 7 nafar tadqiqotchi esa geografiya va pedagogika fanlari boʻyicha falsafa doktori (PhD) ilmiy darajasini olish uchun dissertatsiyalarini muvaffaqiyatli himoya qildilar.
- K. M. Boymirzayev ning innovatsion loyihalar va hisobotlarni ekspertizadan oʻtkazish boʻyicha ekspert aʼzosi sifatida Geografiya, ekologiya, gidrometeorologiya va boshqa tabiiy fanlarga oid boʻlgan ilmiy loyihalarni baholab kelmoqda.
- Namangan, Samarqand, Andijon va Fargʻona davlat universitetlarida Ilmiy tadqiqotchilar uchun oʻtkaziladigan malakaviy imitihonlariga raislik va aʼzo sifatida ishtirok etib keladi.
- Samarqand davlat universiteti huzuridagi DSc.03/30.12.2021.Gr.02.07 Ilmiy Kengash va ilmiy kengash huzuridagi ilmiy seminar aʼzosi.
- „Oʻzdaverloyiha“ instituti muassisligidagi „Oʻzbekiston zamini“ ilmiy jurnali tahririyat aʼzosi.
- Oliy attestatsiya komissiyasi tomonidan eʼtirof etilgan xorijiy „Nature and Science“ ilmiy jurnali tahririyat aʼzosi.
- University of Business and Science universitetining „UBS Ilmiy axborotnomasi“ ilmiy jurnali bosh muharriri.
- Oliy taʼlim, fan va innovatsiyalar vazirligining innovatsion loyihalar boʻyicha ekspert aʼzosi.
- Oliy taʼlim, fan va innovatsiyalar vazirligining „Oliy taʼlim aʼlochisi“ koʻkrak nishoni bilan taqdirlangan.
- K. M. Boymirzayev tomonidan 4 ta darslik, 10 ga yaqin monografiyalar, 210 dan ortiq ilmiy va ilmiy-uslubiy maqolalar, 1 ta mualliflik guvohnomasi, 5 ta uslubiy qoʻllanma, OAK tasarrufidagi ilmiy nashrlarda 30 ta maqola, 180 ta xalqaro va respublika konferensiyalarida ilmiy ishlari nashr etilgan.
- Boymirzayev Karimjon Mirzaxmedovich oʻz ilmiy-pedagogik faoliyatida davlatimizning ichki va tashqi siyosatini toʻla qoʻllab-quvvatlaydigan sogʻlom fikrli rahbar va pedagog sifatida axloqiy poklik, oʻz eʼtiqodiga sodiq, madaniyatli, maqsad sari intiluvchan ham tashkilotchilik qobiliyati shakllangan shaxsdir. U oʻziga va oʻzgalarga nisbatan talabchan, talaba-yoshlar shaxsiga hurmat bilan qaraydigan inson sifatida ajralib turadi. Universitetda oʻtkazib kelinadigan respublika, viloyat, universitet va fakultet miqyosida tashkil etiladigan turli ilmiy va maʼnaviy-maʼrifiy tadbirlarda faol ishtirok etib kelmoqda.
Manbalar
University of Business and Science