Katarina Konstantinović
Katarina Konstantinović (1848-yilda tugʻilgan – 1910-yilda vafot etgan) serbiyalik zodagon ayol, Obrenovichlar sulolasi avlodidan. Malika Anka Obrenovićning qizi. Shuningdek, qirol Milan I ning birinchi jiyani. Qirol rafiqasi Natalie Keshko undan ajralgach, Katarina qirol saroyida amalda birinchi xonim vazifasini bajarargan.
| Katarina Konstantinović | |
|---|---|
| Катарина Константиновић | |
 | |
| Tavalludi |
1848 Šabac, Serbiya knyazligi |
| Vafoti |
1910 Nish, Serbiya qirolligi |
| Turmush oʻrtogʻi |
Milivoje Blaznavac Mihailo Bogicević |
| Bolalari |
Vojislav Milica |
| Otasi | Alexander Konstantinović |
| Onasi | malika Anka Obrenović |
Katarina ikki marta turmush qurgan. Birinchi turmushidan avval u serb hukmdori, amakivachchasi shahzoda Mihailo Obrenović III ning sevgilisi boʻlgan. Mihailo hech qachon farzand koʻrmagan rafiqasi malika Juliadan ajralib, Katarinaga uylanishni va uni oʻzining rasmiy rafiqasi qilmoqchi edi. 1868-yil 10-iyun kuni Katarina, shahzoda Mihailo va uning onasi malika Anka qirollik yozgi qarorgohi yaqinidagi Kosutnjak bogʻida sayr qilib yurgan paytda suiqasdchilar ularga hujum qilishgan. Voqea natijasida shahzoda Mihailo va uning onasi halok boʻlgan, Katarina esa yaralangan. Oʻsha yilning oʻzida (1868) Katarina general Milivoje Blaznavacga turmushga chiqqan va undan ikki farzand koʻrgan. 1873-yilda general vafot etgach, Katarina qurilish ishlari boʻyicha Serbiya vaziri, ikki marotaba Belgrad meri boʻlib xizmat qilgan amakivachchasi Mihailo Bogićevićga turmushga chiqqan.
Shahzoda Mihailo bilan munosabati
Otasining vafotidan biroz vaqt oʻtib, Katarinaning amakivachchasi shahzoda Mihailo uni va onasi malika Ankani qirollik saroyiga yashash uchun taklif qilgan[1]. 1860-yil sentyabr oyidan boshlab Mihailo ikkinchi bor Serbiya hukmdori sifatida taxtga qaytgan edi (1842-yilda uch yillik hukmronlikdan soʻng, taxtdan agʻdarilgan edi). Shahzoda Mihailo vengriyalik grafinya, Julia Hunyadi de Kéthely bilan turmush qurgan, biroq uning ayoli farzand koʻrmagan edi. Tez orada shahzoda Mihailo va Katarina oʻrtasida ishqiy munosanatlar boshlandi. Katarina malika Juliaga boʻlgan nafratini yashirmas, shahzoda bilan boʻlgan munosabatlarini ochiqchasiga namoyon qilardi. Shahzoda Mihailo rafiqasidan ajrashib, Katarinaga uylanishni xohlardi. Shuningdek, malika Julia ham oʻzining sevgilisi imperatoritsa Sissining amakivachchasi Karl von Arenberg (1831–1896) bilan aloqada edi[2][3]. Julianing katolik diniga eʼtiqod qilganligi, kelib-chiqishi vengriyalik boʻlganligi bois serblar unga nisbatan ishonchsizlik bilan qarar edilar, ammo Mihailoning Juliadan ajrashib, uning oʻrniga amakivachchasi Katarinaga uylanmoqchi ekani haqidagi xabarlar tarqalgach, oddiy xalq, siyosatchilar va ruhoniylar bu rejaga birdek norozilik bildirdilar[4]. Ajrashishga qarshi eng qatʼiy qarshilik bildirganlardan biri mashhur Serbiya Bosh vaziri Ilija Garaşanin boʻldi. Ilija 1867-yilda shahzoda Mihailoning Juliadan ajrashish va Katarinaga uylanish rejasiga qarshi chiqqani uchun lavozimidan chetlatilgan. Uning ishdan olinishi esa Rossiyaning keskin noroziligiga sabab boʻlgan.
Manbalar
- ↑ Celia Hawkesworth, Voices in the shadows: women and verbal art in Serbia and Bosnia, p.101
- ↑ John K. Cox, The History of Serbia, p.47
- ↑ https://www.genealogics.org/relationship.php?altprimarypersonID=I00001556&savedpersonID=I00035286&secondpersonID=I00035261&maxrels=10&disallowspouses=1&generations=8&tree=LEO&primarypersonID=I00001556
- ↑ Cox, p.47
Adabiyotlar
- Cox, John K.. The History of Serbia. Westport, Connecticut: Greenwood Press, 2002. ISBN 9780313312908.
- Hawkesworth, Celia (2000) (Google). Voices in the shadows: women and verbal art in Serbia and Bosnia. Budapest: Central European University Press