Ziyosfera

Kati Tabin

Kati Tabin (1997-yil 21-aprelda tugʻilgan) – kanadalik professional xokkey himoyachisi. Professional Ayollar Xokkey Ligasinin (PWHL) Montreal Victoire jamoasi safida oʻynaydi. Ilgari Premyer Xokkey Federatsiyasining (PHF) Connecticut Whale va Toronto Six jamoalari safida oʻynagan.

Kati Tabin
Tabin 2025-yilda Montreal Victoire safida
Tugʻilgan joyi 1997-yil 21-aprel (1997-04-21) (29 yosh)
Vinnipeg, Manitoba, Kanada
Boʻyi 5 ft 8 in (173 cm)
Ogʻirligi 150 lb (68 kg; 10 st 10 lb)
Pozitsiyasi Himoyachi
Maydondagi joylashgan oʻrni Chap
PWHL
Sobiq jamoalar		 Montreal Victoire
Connecticut Whale
Toronto Six
Jamoalardagi faoliyat 2016—hozirgacha

Sport faoliyati

Kollej

Tabin oʻzining talabalar oʻrtasida muz ustida xokkey faoliyatini 2016–2017-yilgi mavsumda Quinnipiac jamoasi safida boshlagan. 1-kursda u 32 ta oʻyinda 2 ta gol va 5 ta golli uzatmani qayd etgan. Ilk golini 2016-yil 4-noyabrda Clarkson jamoasiga qarshi oʻyinda kiritgan[1]. 2017–2018-yilgi mavsumda 2-kursda oʻqiyotgan paytida 38 ta oʻyinda 3 ta gol va 11 ta golli uzatmani amalga oshirgan. 2018–2019-yilgi mavsumda 3-kursligida esa 36 ta oʻyinda 4 ta gol va 9 ta golli uzatmani qayd etgan[2].

2019-yil 10-sentyabrda Tabin 2019–2020-yilgi mavsum uchun hamkapitan etib tayinlangan[3]. Toʻrtinchi yaʼni soʻnggi oʻquv yilida sportchi 37 ta oʻyinda 5 ta gol va 13 ta golli uzatmani amalga oshirgan[2]. Mavsum yakunida sportchi All-ECAC uchinchi terma jamoasi tarkibiga kiritilgan[4].

Professional

Tabin oʻzining professional debyut oʻyinini PHFning Connecticut Whale jamoasi safida 2021-yil 14-noyabrda amalga oshirgan. 2021–2022-yilgi mavsumda sportchi Whale safida 6 ta oʻyinda maydonga tushgan[5].

2022-yil 28-iyulda Tabin PHFning Toronto Six jamoasi bilan 1 yillik shartnoma imzolagan[6]. 2022–2023-yilgi asosiy mavsumda 24 ta oʻyinda ishtirok etib, jami 4 ta gol va 14 ta golli uzatma bilan barcha himoyachilar orasida eng yuqori natijani koʻrsatgan. Pley-off bahslarida esa Tabin 4 ta oʻyinda 1 ta gol va 3 ta golli uzatmani amalga oshirib, Six jamoasining Izobel kubogini qoʻlga kiritishida yordam bergan[7]. 2023-yil 12-iyunda sportchi Toronto bilan 2 yillik yangi shartnoma imzolagan[8].

2023-yil 21-noyabrda Tabin Montreal bilan 2 yillik shartnoma imzolagan[9]. 2023–2024-yilgi asosiy mavsumda 24 ta oʻyinda 1 ta gol va 5 ta golli uzatmani qayd etgan. U Montreal jamoasining asosiy himoya juftligida Erin Ambrouse bilan birga oʻynagan va 26 ta raqib zarbasini toʻsgan holda PWHL boʻyicha barcha oʻyinchilar orasida 1-oʻrinni egallagan[10]. 2024–2025-yilgi mavsumda Tabin 28 ta oʻyinda 4 ta gol va 4 ta golli uzatmani amalga oshirgan. U jamoa tarkibida 26 ta kuchli zarbani amalga oshirgan holda 2-oʻrinni egallagan. 2025-yil 16-iyunda sportchi Montreal bilan 2 yillik shartnoma muddatini uzaytirgan[11].

Xalqaro faoliyati

2026-yil 9-yanvarda Tabin 2026-yilgi Qishki Olimpiada oʻyinlarida ishtirok etuvchi Kanada terma jamoasi tarkibiga kiritilgan[12].

Manbalar

  1. ↑ „QU Women's Ice Hockey Falls, 4-1, to Clarkson on Friday Night“. gobobcats.com (2016-yil 4-noyabr). Qaraldi: 2024-yil 3-dekabr.
  2. ↑ 2,0 2,1 „Kati Tabin“. gobobcats.com. Qaraldi: 2024-yil 3-dekabr.
  3. ↑ „Turner Announces Captains ahead of the 2019-20 Season“. gobobcats.com (2019-yil 10-sentyabr). Qaraldi: 2024-yil 3-dekabr.
  4. ↑ „Tabin, Reilly Earn ECAC Hockey Post-Season Recognition“. gobobcats.com (2020-yil 5-mart). Qaraldi: 2024-yil 3-dekabr.
  5. ↑ Staffieri, Mark „Tremendous time for Toronto Six blueliner Kati Tabin“. womenshockeylife.com (2023-yil 26-may). Qaraldi: 2024-yil 3-dekabr.
  6. ↑ „Kati Tabin Signs Contract with Toronto Six“. gobobcats.com (2022-yil 28-iyul). Qaraldi: 2024-yil 3-dekabr.
  7. ↑ Kennedy, Ian „Tabin Returns To Toronto, Signs Two-Year $220,000 Contract“. The Hockey News (2023-yil 12-iyun). Qaraldi: 2024-yil 3-dekabr.
  8. ↑ Zwolinski, Mark „Katie Tabin re-signing with Toronto Six is a good sign for the future of women’s hockey“ (2023-yil 13-iyun). Qaraldi: 2024-yil 3-dekabr.
  9. ↑ Kennedy, Ian „Two-Years For Tabin In Montreal“. The Hockey News (2023-yil 21-noyabr). Qaraldi: 2024-yil 3-dekabr.
  10. ↑ Kennedy, Ian „Underrated: Here's a look at three PWHL players who quietly made a big impact“. The Hockey News (2024-yil 21-may). Qaraldi: 2024-yil 3-dekabr.
  11. ↑ „Montreal Victoire re-sign defender Kati Tabin to a two-year deal“. thepwhl.com (2025-yil 16-iyun). Qaraldi: 2025-yil 16-iyun.
  12. ↑ „Team Canada unveils women’s roster for 2026 Olympics in Milan“. TSN.ca (2026-yil 9-yanvar). Qaraldi: 2026-yil 9-yanvar.

Havolalar

Vikiomborda „Kati Tabin“ mavzusi boʻyicha mediafayllar bor. 
"https://new.ziyosfera.uz/ziyo/Kati_Tabin" dan olindi