Ziyosfera

Katja Dedekind

Катжа Дедекинд (2001-йил 17-августда туғилган) – австралиялик пара сузувчи (кўриш қобилияти бузилиши ташхиси қўйилган) ва голболчи. 2016-йил Рио-де-Жанейрода бўлиб ўтган Ёзги Паралимпия ўйинларида бронза медалини, 2020-йил Токио Паралимпия ўйинларида иккита бронза медалини қўлга киритган[1][2][3].

Катжа Дедекинд
Шахсий маълумотлари
Жинси аёл
Тахаллуси/Лақаби Киттй-Кат
Фуқаролиги Avstraliya bayrogʻi Австралия
Таваллуд санаси 2001-йил 17-август
Дурбан, Жанубий Африка
Спорт
Қайси спорт пара сузиш, голбол
Клуби Еронга Парк Сwим Cлуб
Мураббий(лар)и Натҳан Дойле, Кате Спаркес

Шахсий ҳаёти

Дедекинд 2001-йил 17-августда Жанубий Африканинг Дурбан шаҳрида туғилган[4]. Эгизак укаси бор[4]. У туғма катаракта ва амблиопиядан азият чекади, ўнг кўзи бутунлай кўрмайди, чап кўзининг кўриш қобилияти эса чекланган[5]. Аввал Брисбане шаҳридаги Кенморе ҳудудида яшаган[5] Дедекинд ҳозирда Суншине Cоастда истиқомат қилади. У 2019-йилда Будеримдаги Маттҳеw Флиндерс Англиcан Cоллеге мактабини тамомлаган[6].

2018-йил март ойида Дедекинд ХХИ Бутунжаҳон Ҳамдўстлик ўйинлари олдидан 3500 нафар австралиялик иштирокчидан бири сифатида Қиролича Батон эстафетасида иштирок этиш шарафига муяссар бўлган[5].

Дедекинд Грффитҳ университетида Ахборот-коммуникация йўналиши бўйича таҳсил олаётган пайтида „Спортинг Фулл Блуэ“ мукофоти билан тақдирланган[7].

Дедекинднинг шиори: „Агар бирор нарса сени қийнамаса, ўша нарса сени ўзгартира олмайди“[8].

Спорт фаолияти

Дедекинд сузиш ва голбол спорти билан шуғулланади. Сузиш бўйича С13 тоифасида рақобат олиб боради.

У 2012-йилда „келиб кўр ва синаб кўр“ (cоме анд трй) кунида қатнашганидан сўнг голбол билан шуғулланишни бошлаган. Ўша йили Мелбурнда бўлиб ўтган Австралия Голбол чемпионатида „Энг яхши ёш ҳимоячи“ унвонига сазовор бўлган[4]. 2013-йилда Сиднейда ўтказилган Аустралиан Инвитатионал Cуп мусобақасида ғолиб бўлган жамоа таркибида эди[8].

Дедекинд сузишни эгизак укаси билан бирга ёшлигидан бошлаган, бироқ мусобақаларда 2012-йилдан бошлаб қатнашган[4]. 2015-йилда бўлиб ўтган Қуээнсланд штати спринт сузиш чемпионатида ногиронлиги бўлган спортчилар орасида „Мусобақанинг энг яхши сузувчиси“ унвонига лойиқ топилган[4]. Шу йили ўтказилган ССА Тинч океани мактаб ўйинларида Дедекинд 3 та олтин ва 5 та кумуш медални қўлга киритган. 2016-йилги Австралия сузиш чемпионатида аёллар ўртасида 200 метрга эркин усулда сузиш баҳсларида бронза медалини, 50 метрга чалқанча сузиш баҳсларида бешинчи ўринни ва 50 метрга баттерфлей усулида сузиш баҳсларида яна бешинчи ўринни эгаллаган[4]. Спортчи Қуээнсланд университетининг УҚ Сwим Cлуб сузиш клуби аъзоси бўлиб, у ерда Давид Ҳейден мураббийлиги остида машғулот олиб борган[4][9].

2016-йилда Дедекинд Австралия терма жамоаси таркибида Рио-де-Жанейрода бўлиб ўтган Паралимпия ўйинларида иштирок этувчилар сафидан жой олган[10]. У тўртта йўналишда рақобат олиб борган ва улардан биттасида совринли ўринни эгаллаган. У аёллар ўртасида С13 тоифасида 100 метрга чалқанча сузиш баҳсларида бронза медалини қўлга киритган. Шунингдек, худди шу тоифада 400 метрга эркин усулда сузиш йўналишида еттинчи ўринни эгаллаган[11]. Бироқ спортчи 50 ва 100 метрга эркин усулда сузиш аҳсларида финал босқичига чиқа олмаган[12][13].

2018-йил август ойида Дедекинд 17 ёшга тўлишидан бироз олдин Қуээнсланд штатининг Cаирнс шаҳрида бўлиб ўтган Пан Паcифиc пара сузиш чемпионатида 100 метрга чалқанча сузиш бўйича ўзининг энг яхши натижасини қайд этиб, олтин медални қўлга киритди[14]. Шунингдек, у аёллар ўртасида СМ12/13 тоифасида 200 метрга комплекс сузиш баҳсларида бронза медалини, С13 тоифасида 400 метрга эркин усулда сузиш йўналишида эса кумуш медални қўлга киритди.

Дедекинд 2019-йилда Лондонда бўлиб ўтган пара сузиш бўйича жаҳон чемпионатида тўртта йўналишда иштирок этди, бироқ совриндор спортчилар қаторидан жой эгаллай олмади[15].

Спортчи Австралия сузувчилар расмий терма жамоаси „Аустралиан Долпҳинс“ аъзоси ҳисобланади. 2020-йил Токио Паралимпия ўйинларига тайёргарлик кўраётган даврда Дедекиндга Натҳан Дойле мураббийлик қилган[6][16]. Токиодаги Паралимпия ўйинларида Дедекинд аёллар ўртасида С13 тоифасида 100 метрга чалқанча сузиш баҳсларида 1.06.49 натижа билан бронза медалини қўлга киритди. Саралаш босқичида эса 1.07.38 натижани қайд этган ва бу унинг энг яхши натижаси эди. Шунингдек, Дедекинд аёллар ўртасида С13 тоифасида 400 метрга эркин усулда сузиш йўналишида ҳам бронза медалини қўлга киритди[17][18]. Бу масофани у 4.35.87 сонияда босиб ўтган ва бу кўрсаткич олтин медал соҳибаси украиналик Анна Стеценконинг натижасидан 12 сонияга ортда эди. Дедекинд С13 тоифасида 50 метрга эркин усулда сузиш баҳсларида ҳам қатнашди. Мусобақанинг финал босқичига қадар етиб борган бўлса-да, якунда тўртинчи ўринни эгаллади[19].

2022-йилда Мадеирада бўлиб ўтган пара сузиш бўйича жаҳон чемпионатида Дедекинд учта медал, жумладан, С13 тоифасида аёллар ўртасида 50 метрга эркин усулда сузиш баҳсларида олтин медал, 100 метрга орқа чалқанча сузиш ва 400 метрга эркин усулда сузиш йўналишларида кумуш медалга сазовор бўлди[20].

2022-йил Бирмингемда бўлиб ўтган Ҳамдўстлик ўйинларида Дедекинд аёллар ўртасида С13 тоифасида 50 метрга эркин усулда сузиш мусобақасида жаҳон рекордини ўрнатди ва олтин медални қўлга киритди[21][22]. 2023-йилда Англиянинг Манчестер шаҳрида ўтказилган пара сузиш бўйича жаҳон чемпионатида у яна учта медал, олтин, кумуш ва бронза медалларини қўлга киритди.

2022-йил июн ойларида Дедекинд СC Спартанс клубини тарк этиб, Еронга Парк сузиш клубига ўтди. У ерда Роберт ван дер Зант ва Кате Спаркес мураббийлигида шуғуллана бошлади[23].

2024-йил Парижда бўлиб ўтган Ёзги Паралимпия ўйинларида Дедекинд С13 тоифасида аёллар ўртасида 50 метрга эркин усулда сузиш мусобақасида иштирок этди, бироқ финалга чиқа олмади[24].

Мукофотлари

  • 2016 – „Йилнинг ёш аёл спортчиси“, Спортинг Wҳеэлиэс ва ногиронлар уюшмаси[25];
  • 2021 – Суншине Cоаст университети томонидан „Йил спортчиси“[26];
  • 2022 – „Ногиронлиги бўлган энг яхши спортчи“, Қуээнсланд Спорт[27].

Манбалар

  1. ↑ „Аустралиан Паралймпиc Сwимминг Теам анноунcед“. Аустралиан Паралймпиc Cоммиттеэ Неwс, 1 Аугуст 2016. 2016-йил 29-августда асл нусхадан архивланган. Қаралди: 2016-йил 1-август.
  2. ↑ „Катжа Дедекинд“. Рио Паралймпиcс Оффиcиал сите. 2016-йил 23-сентябрда асл нусхадан архивланган. Қаралди: 2016-йил 18-сентябр.
  3. ↑ „Паралймпиcс Аустралиа Намес Поwерфул Пара-Сwимминг Теам Фор Токё“. Паралймпиcс Аустралиа (2021-йил 16-июн). Қаралди: 2021-йил 17-июн.
  4. ↑ 4,0 4,1 4,2 4,3 4,4 4,5 4,6 „Катжа Дедекинд“. Аустралиан Паралймпиc Cоммиттеэ wебсите (2016-йил 21-июл). Қаралди: 2016-йил 1-август.„Катжа Дедекинд“. Аустралиан Паралймпиc Cоммиттеэ wебсите. 21 Жулй 2016. Ретриэвед 1 Аугуст 2016.
  5. ↑ 5,0 5,1 5,2 О’Маллей, Брендан. „Ан инспиринг ёунг сwиммер wилл cаррй тҳе Қуээн'с батон ин тҳе Голд Cоаст Cоммонwеалтҳ Гамес“. Cоуриэр-Маил (Брисбане) (2017-йил 21-ноябр). Қаралди: 2018-йил 24-август.
  6. ↑ 6,0 6,1 „Гет то кноw Катжа Дедекинд“. Сwимминг Аустралиа. Қаралди: 2018-йил 24-август.
  7. ↑ Добсон. „Cасс макес а биг сплаш ат Гриффитҳ Спорц Блуэс Аwардс“ (эн-ЭН). неwс.гриффитҳ.эду.ау (2023-йил 16-ноябр). Қаралди: 2023-йил 19-ноябр.
  8. ↑ 8,0 8,1 „Катжа Дедекинд-Гоалбалл“. Спортинг Дреамс wебсите. Қаралди: 2016-йил 1-август.
  9. ↑ „Труэ Сторй Туэсдай: Катжа Дедекинд & Даве Ҳейден“. ЁуТубе (2016-йил 18-апрел). Қаралди: 2016-йил 1-август.
  10. ↑ „Сwимминг (Атҳлетес)“. Атҳлетес Селеcтед фор Рио. Аустралиан Паралймпиc Cоммиттеэ (2015-йил 26-август). Қаралди: 2016-йил 30-сентябр.
  11. ↑ „Катжа Дедекинд“. Рио Оффиcиал Ресулц. Рио 2016 Паралймпиc Гамес. 2016-йил 23-сентябрда асл нусхадан архивланган. Қаралди: 2016-йил 30-сентябр.
  12. ↑ „Катжа Дедекинд“. Рио Оффиcиал Ресулц. Рио 2016 Паралймпиc Гамес. 2016-йил 2-октябрда асл нусхадан архивланган. Қаралди: 2016-йил 30-сентябр.
  13. ↑ „Катжа Дедекинд“. Рио Оффиcиал Ресулц. Рио 2016 Паралймпиc Гамес. 2016-йил 23-сентябрда асл нусхадан архивланган. Қаралди: 2016-йил 30-сентябр.
  14. ↑ „Cаирнс: Катжа латер – Дедекинд анд Долпҳинс деливер море голд фор Аустралиа“. Сwимминг Аустралиа. Қаралди: 2018-йил 24-август.
  15. ↑ „Катжа Дедекинд“. Сwимминг Аустралиа. 2021-йил 19-апрелда асл нусхадан архивланган. Қаралди: 2021-йил 22-июн.
  16. ↑ Cумминг, Стуарт. „Теэн таргец Токё суccесс ин cруcиал буилд-уп сwим“. Сусншине Cоаст Даилй (2018-йил 3-август). Қаралди: 2018-йил 24-август.
  17. ↑ „Паралймпиcс Аустралиа Намес Поwерфул Пара-Сwимминг Теам Фор Токё“. Паралймпиcс Аустралиа (2021-йил 16-июн). 2021-йил 24-июнда асл нусхадан архивланган. Қаралди: 2021-йил 20-июн.
  18. ↑ „Сwимминг - ДЕДЕКИНД Катжа - Токё 2020 Паралймпиcс“. Токё2020.орг. Токё Органисинг Cоммиттеэ оф тҳе Олймпиc анд Паралймпиc Гамес. Қаралди: 2021-йил 26-август.
  19. ↑ „Аустралиан Паралймпиc Теам фор Токё 2021“ (эн-УС). Тҳе Роар. Қаралди: 2022-йил 20-июл.
  20. ↑ „Долпҳинс Cреате Аустралиан Сwимминг Ҳисторй Ин Португал“. Сwимминг Аустралиа (2022-йил 21-июн). Қаралди: 2022-йил 15-август.
  21. ↑ „Cоле, Паттерсон Анд Левй Амонгст Старс Оф Тҳе Поол Реадй То Сплаш Анд Даш Ин Бирмингҳам“. Cоммонwеалтҳ Гамес Аустралиа (2022-йил 5-май). Қаралди: 2022-йил 6-май.
  22. ↑ „2022 Cоммонwеалтҳ Гамес Ресулц“. Cоммонwеалтҳ Гамес Аустралиа (2020-йил 16-июн). Қаралди: 2022-йил 15-август.
  23. ↑ „Еронга Парк Мемориал Сwимминг Поол“ (эн). www.брисбане.қлд.гов.ау. Қаралди: 2022-йил 20-июл.
  24. ↑ „Паралймпиcс Аустралиа Намес Сwимминг Теам Фор Парис 2024 Гамес“. Паралймпиcс Аустралиа (2024-йил 14-июн). Қаралди: 2024-йил 15-июн.
  25. ↑ „2016 Аннуал Аwардс wиннерс“. Спортинг Wҳеэлиэс анд Дисаблед Ассоcиатион wебсите. 2016-йил 20-декабрда асл нусхадан архивланган. Қаралди: 2016-йил 15-декабр.
  26. ↑ „Паралймпиc медаллист ис УСC'с топ атҳлете фор 2021“. Университй оф Суншине Cоаст Неwс (2021-йил 24-ноябр). 2021-йил 24-ноябрда асл нусхадан архивланган. Қаралди: 2021-йил 25-ноябр.
  27. ↑ „Голф'с Cамерон Смитҳ Wинс Тҳе Cоуриэр Маил Чаннел Севен Қуээнсланд Спорт Стар Аwард Фор 2022“. ҚСпорт (2022-йил 25-ноябр). Қаралди: 2022-йил 29-ноябр. 
"https://new.ziyosfera.uz/ziyo/Katja_Dedekind" dan olindi