Kauzalgiya

Каузалгия (юн. каусус — ачишув, ловиллашув ва алгос — оғриқ) — периферик нерв толалари жароҳатланганда (хусусан, ўткир нарса билан қисман кесилгандан сўнг) чидаб бўлмайдиган даражада азоб берувчи оғриқ. Оғриқ зўридан киши кечаю-кундуз тиним билмайди, жароҳатланган аъзосини авайлаб, ўзини қўярга жой тополмай безовталанади. Ўқтеккан жароҳат (мас, қуймич нерви ва унинг оёкдаги тармоқлари, ўрталик нерв билан тирсак нервининг қўлдаги тармоқлари) чандиқ-ланиб битганда, неврома вужудга келганда кузатилади. Шикастланган қўл ёки оёқнинг томирдан озиқланиш фаолиятининг издан чиқиши билан кечади. Д а в о с и . Оғриқ қолдирувчи дорилар, ганглиоблокаторлар, шунингдек, физиотерапевтик муолажалар буюрилади; булар наф бермаса, жарроҳлик усули қўлланади.