Kirill Pankov
Кирилл Дмитриевич Панков (1995-йилда туғилган, Тошкент, Ўзбекистон) — ўзбекистонлик пара сузувчи, Ўзбекистон терма жамоаси аъзоси. 2016-йилги ёзги Паралимпия ўйинлари кумуш медали совриндори, 2012-йилги Ёзги Паралимпия ўйинлари иштирокчиси, Ёзги Параосиё ўйинлари ғолиби ва совриндори.
| Кирилл Дмитриевич Панков | |
|---|---|
| Шахсий маълумотлари | |
| Жинси | Эркак |
| Фуқаролиги |
 Ўзбекистон |
| Таваллуд санаси |
1995 Тошкент, Ўзбекистон |
| Спорт | |
| Қайси спорт | сузувчи-паралимпиячи |
| Медаллар | |
 | |
| Спорт мукофотлари | ||
|---|---|---|
| Осиё ўйинлари | ||
| Олтин | Инчхон 2014 | 50 м С13 |
| Олтин | Инчхон 2014 | 100 м С13 |
| Олтин | Инчхон 2014 | 100 м бел С13 |
| Олтин | Инчхон 2014 | 200 м комлекс С13 |
| Олтин | Жакарта 2018 | 100 м бел С13 |
| Кумуш | Жакарта 2018 | 100 м баттерфлай С13 |
| Паралимпия ўйинлари | ||
| Кумуш | Рио-де-Жанейро 2016 | 100 м баттерфлай С13 |
Спорт фаолияти
Ўн ёшидан бошлаб Тошкентда отаси Дмитрий Панков қўл остидаи сузиш билан шуғуллана бошлайди. 2012-йилдан буён сузиш бўйича Ўзбекистон паралимпия терма жамоаси таркибида халқаро мусобақаларда иштирок этиб келади. 2012-йилда у Лондонда (Буюк Британия) ёзги Паралимпия ўйинларида қатнашиб, С13 тоифасида 100 метрга баттерфляй усулида сузишда олтинчи ўринни эгаллади ва Осиё рекордига эга бўлди[1][2][3].
2014-йилда Инчхон шаҳрида (Корея Республикаси) бўлиб ўтган ёзги Параосиё ўйинларида у 50 м С13, 100 м С13, 100 м С13 ва 200 м С13 масофаларга сузишда тўртта олтин медални қўлга киритди[4][5][6]. 2016-йилда Рио-де-Жанейрода (Бразилия) бўлиб ўтган Ёзги Паралимпия ўйинларида С13 тоифасида 100 метрга баттерфляй усулида сузишда кумуш медални олишга мушарраф бўлди[7][8]. Ўша йили Ўзбекистон Президенти Шавкат Мирзиёевнинг фармони билан Ўзбекистон Республикасида хизмат кўрсатган спортчи унвони берилган[9].
2018-йилда Жакартада (Индонезия) бўлиб ўтган ёзги Параосиё ўйинларида С13 тоифасида 100 метрга чалқанча сузишда биринчи ўринни эгаллади ва 100 метрга баттерфляй усулида С13 сузишда кумуш медални қўлга киритди[10]. 2019-йилда Лондонда (Буюк Британия) бўлиб ўтган паралимпия сузиш бўйича жаҳон чемпионатида у брасс ва баттерфляй усулида 100 метр масофага сузиш бўйича бешинчи ўринни эгаллади[11].
Таржимаи ҳол
Кирилл Тошкентда туғилган. Болалигидан кўриш билан боғлиқ муаммолари бор[12]. 2011-йилда у оиласи билан Мурманскга (Россия), кейинчалик эса Кола шаҳрига кўчиб ўтди. Мактабни тугатгач, у Санкт-Петербургдаги Лесгафт университетига ўқишга киради[13].
Мукофотлари
- Ўзбекистон Республикасида хизмат кўрсатган спортчи (2016)
- Россия спорт устаси (2019)[14]
Манбалар
- ↑ „В Лондоне прошло чествование паралимпийцев Узбекистана“ (ру). Подробно.уз. Қаралди: 2021-йил 3-сентябр.
- ↑ „В Лондоне завершились ХИВ паралимпийские игры“ (ру). УзРепорт.неwс. Қаралди: 2021-йил 3-сентябр.
- ↑ „Сwиммерс рефусе то тире ас севен Паралймпиc реcордс сет“ (эн). Интернатионал Паралймпиc Cоммиттеэ. Қаралди: 2021-йил 3-сентябр.
- ↑ УзДаилй. „Кирилл Панков wинс анотҳер голд медал ат Асиан Пара Гамес“ (ру). УзДаилй.уз. Қаралди: 2021-йил 3-сентябр.
- ↑ „Кирилл Панков Доминатес Эарлй Дайс ат Асиан Пара Гамес“ (эн-УС). Сwимминг Wорлд Неwс (2014-йил 20-октябр). Қаралди: 2021-йил 3-сентябр.
- ↑ „Люди с несгибаемой волей“ (ру). Анҳор (2014-йил 31-октябр). Қаралди: 2021-йил 3-сентябр.
- ↑ „Раздел «Рио 2016»“. спорт.зиёнет.уз. Қаралди: 2021-йил 3-сентябр.
- ↑ „Узбекистан на Паралимпиаде в Рио (итоги)“ (ру). ҳттпс://узнеwс.уз. 2021-йил 3-сентябрда асл нусхадан архивланган. Қаралди: 2022-йил 17-июл.
- ↑ „ УП-4846-сон 22.09.2016. О награждении группы спортсменов и тренеров, добившихся высоких результатов на ХВ летних Паралимпийских играх в городе Рио-де-Жанейро“. лех.уз. Қаралди: 2021-йил 3-сентябр.
- ↑ „Узбекистан завоевал 70 медалей на Параазиатских играх“ (ру). Газета.уз (2018-йил 12-октябр). Қаралди: 2021-йил 3-сентябр.
- ↑ „Wорлд Пара Сwимминг Чампионшипс Сwимминг 2019 - Ресулц Мен“. www.тҳе-спорц.орг. Қаралди: 2021-йил 3-сентябр.
- ↑ „В Рио через Колу“ (ру). вмнеwс.ру. Қаралди: 2021-йил 3-сентябр.
- ↑ „Житель Колы привез серебро с паралимпийских игр в Рио“ (ру). Телекомпания ТВ21. Қаралди: 2021-йил 3-сентябр.
- ↑ ҳттп://тммосcоw.ру/неwс_стк/мастер_оф_спорт_рус/2019_приказ_159нг.пдф