Kofe maydalagich

Кофе майдалагич–қўл ва электр билан харакатга келтирадиган хиллари бор. Қўл кофе майдалагичи одатда ёғоч ёки металл корпусдан иборат бўлиб, унинг ичига даста ёрдамида қўл билан харакатлантириладиган майдалаш тоши ва унда доначаларнинг майдалигини ўзгартирадиган қурилма ўрнатилган бўлади. Корпусниг пастки қисмида қутича бўлиб, унга майдаланган кофе тушади. Электр кофе майдалагичининг турли моделлари бўлиб, ҳаммасининг ишлаш принсипи бир хил — кофе доначалари куракчали тез айланувчи диск билан майдаланади. Электр кофе майдалагичи бункерига 30 г чамаси кофе доначалари солиниб, қандай майдаликда олинишига қараб 1-2 дақиқа майдаланади. Кофе майдалагич меҳанизми қизиб кетмаслиги учун, уни ҳар 2-дақиқадан кейин 3-дақиқа тўхтатиб қўйиш керак. Рўзғор кофе майдалагичининг асосий қулайлиги шундаки, майдаланган кофени бевосита дамлашдан олди олиш мумкин, бу эса унинг хушбўйлигини ва таъмини сақлайди. Электр кофе майдалагичидан оз миқдордаги қанд, сухари ва бошқа маҳсулотларни майдалашдаҳам фойдаланиш мумкин. Кофе майдалагич оғирлиги одатда 1-кг чамасида, истемол қилиш қуввати 100 Вт. Майдалагични салт ишлатиш тавсия этилмайди. Ишлатиб бўлингач, кофе майдалагични қуруқ латта билан тозалаш зарур. Кофе майдалагични тез-тез мойлаш ва электр двигателининг электр чоткаларини алмаштириш шарт эмас.

Ушбу мақола çаладир. Сиз уни бойитиб, ЗиёСферага ёрдам бериşингиз мумкин.
Бу андозани аниқроғига алмаштириш керак.