Komil Mansurov

Зиёсферада исми Комил ва фамилияси Мансуров бўлган бошқа кишилар ҳақида ҳам мақолалар мавжуд.

Комил Мансуров (1948-йил, 9-ноябр, Тошкент тумани) — Ўзбекистон Республикаси халқ ўқитувчиси (1999). Тошкент педагогика институтининг бадиий-графика факултетини тугатган (1971). 1968—79-йилларда Тошкент вилоятидаги 27мактабда, 1979-йилдан Тошкент шаҳри Юнусобод туманидаги 63-мактабда расм-чизмачилик ўқитувчиси. Мансуров дарс жараёнида илғор ва ноанъанавий иш усулларидан фойдаланади. У раҳбарлик қиладиган "ёш наққошлар" тўгараги аъзоларининг расм, нақш ва уй-рўзғор буюмларига ишлаган нақш намуналари туман, шаҳар, республика миқёсидаги кўриктанловларда совринли ўринларни эгаллаган.