Konkretsiyalar

Конкрециялар (лотинча cонcретио -қўшилиб кетиш, ўсиш, қуюқланиш) — кимёвий таркиби ва шаклига кўра, ўзи жойлашган жинсдан фарқланувчи ва диагенезда юзага келувчи чўкинди тоғ жинсларидаги ёки ҳозирги чўкиндилардаги думалоқ шаклли минерал ҳосилалар. К. бир ёки турли минераллар агрегатларидан иборат бўлиб, диаметри бир неча мм дан ўнлаб см гача етади. К., асосан, фосфорит, пирит, марказит, баъзан сидерит, барит каби минераллардан ташкил топади. Органик қолдиқлар атрофида тарқоқ минерал моддаларнинг тўпланишидан ҳосил бўлади. К. турли геологик давр қатламларида ва ҳозирги замон океан чўкиндиларида руда тўпламларини шакллантирувчи темир ва марганец оксидлари К. кенг тарқалган.