Konov Sergey
Конов Сергей Павлович (1948-йил 28-феврал, Тошкент) – совет сузувчиси, россиялик мураббий. 1968-йилги ёзги Олимпия ўйинлари иштирокчиси, 1970-йилги Европа чемпионатининг бронза медали совриндори.
| Конов Сергей Павлович | |
|---|---|
| Шахсий маълумотлари | |
| Жинси | эркак |
| Фуқаролиги |
 СССР→ Россия |
| Таваллуд санаси |
1948-йил 28-феврал Ўзбекистон ССР, Тошкент |
| Бўйи | 187 см |
| Вазни | 85 кг |
| Спорт | |
| Қайси спорт | сузиш |
| Клуби |
Меҳнат (Тошкент) СКА (Тошкент) Зенит (Тошкент) |
| Мураббий(лар)и | А. Шварцман |
Ҳаёти
Конов Сергей Павлович 1948-йил 28-февралда Тошкентда туғилган.
У „Тошкент меҳнат“, „СКА“, „Зенит“ жамоалари сафида сузиш мусобақаларида қатнашган. Конов Сергей Павлович А.Шварцман қўл остида шуғулланиб юрган.
1968-йилда у Мехико шаҳрида бўлиб ўтган ёзги Олимпия ўйинларида СССР терма жамоаси сафида иштирок этган. 100 метр масофага баттерфляй усулида чорак финалда 1 дақиқа 0,8 сония натижа кўрсатган. Финал баҳсларида ярим финалга 3-ўринда чиққан канадалик Рон Жаcкс билан 3-чи ўрин учун курашда ютқазиб қўйган ва 4-ўрин билан кифояланган[1]. 200 метр масофага баттерфляй усулида сузишда эса 2,13,1 сониялик натижа қайд этган ва ярим финалда 4-ўринни эгаллаган. Финалга энг паст натижа билан чиққан швециялик спортчи Петер Фейл Конов Сергей Павловичдан 1,2 сония олдинроқ натижа қайд этган[2].
Конов Сергей Павлович 1970-йилда у Барселонада бўлиб ўтган сув спорти бўйича Европа чемпионатида 4х100 метрга аралаш эстафетада бронза медалини қўлга киритган. ўша вақтда СССР терма жамоасида Виктор Краско, Николай Панкин, Владимир Немшилов ва Леонид Илйичев ҳам бор бўлган. Конов эса финал баҳсида иштирок этмаган[3].
Конов Сергей Павлович 1975-йилда сузишда фаолиятини тўхтатган. У фан ва педагогик фаолият билан шуғулланиб фан номзоди, доцент, Ўзбекистон давлат жисмоний тарбия институти сузиш кафедраси мудири бўлган.
2001-йил январ ойидан 2008-йил август ойигача Алексей Карпов билан биргаликда сузиш бўйича Россия ёшлар терма жамоасига мураббийлик қилган.
Конов Сергей Павлович ҳозирги вақтда Канаданинг Британия Колумбияси провинсиясида яшайди.
Манбалар
- ↑ „Олймпедиа – 100 метрес Буттерфлй, Мен“. www.олймпедиа.орг. 2021-йил 22-июлда асл нусхадан архивланган. Қаралди: 2021-йил 22-июл.
- ↑ „Олймпедиа – 200 метрес Буттерфлй, Мен“. www.олймпедиа.орг. 2021-йил 22-июлда асл нусхадан архивланган. Қаралди: 2021-йил 22-июл.
- ↑ „Олймпедиа – Сергей Конов“. www.олймпедиа.орг. 2021-йил 22-июлда асл нусхадан архивланган. Қаралди: 2021-йил 22-июл.