Ziyosfera

Konstantin Galchenko

Константин Владимирович Галченко (1974-йил 23-июн, СССР Темиртау) — совет ва қозоғистон футболчиси, ҳимоячи ва ярим ҳимоячи.

Константин Галченко
Шахсий маълумот
Тўлиқ исми Константин Владимирович Галченко
Таваллуд санаси 1974-йил 23-июн (1974-06-23) (52 ёш)
Таваллуд жойи Темиртау
Бўйи 1.78 м (5 фт 10 ин)
Амплуаси ҳимоячи ва ярим ҳимоячи

Биографияси

Константин Владимирович Галченко Темиртау футболи тарбияланувчиси ҳисобланади. 16 ёшида Галченко маҳаллий „Булат“ жамоаси таркибида СССР иккинчи қуйи лигаси чемпионатида ўз дебут ўйинларини бошлаган. Кейинги йили Қозоғистон чемпионатида клуб сафида умумий ҳисобда 27 та ўйин ўтказиб, 3 та гол уришга муваффақ бўлади. 1993-йилда Галченко Леонид Константинович Остроушко бошчилигидаги Қозоғистон олимпия терма жамоасининг собиқ таянч клуби бўлган Олмаотанинг „Динамо“ клуби таркибига ўтади. 1994-йилда Серик Жейлитбоев билан биргаликда учинчи Россия лигасида ўйинларини „Сибир“ жамоаси таркибида ўтказади. Кейинги мавсумнинг биринчи лигасида футболчи Остроушко қўл остида Санкт-Петербургнинг „Сатурн-1991“ жамоасида ўйин олиб боради.

1996-йилда Галченко Россия Премер-лигасининг „Черноморец Новороссийск“ жамоасига таклиф қилинади, ушбу жамоа таркибида ўқув-машғулот йиғинларини олиб боради, аммо паспортидаги айрим муаммолар туфайли клубнинг асосий таркибига кира олмайди. Футболчи учинчи лигадан Остроушко бошчилигидаги бошқа бир клуби — Орехово-Зуевонинг „Орехово“ клубига ўтади. Клубга трансфер ҳужжатларини кутиш пайтида Галченко маҳаллий КФК „Химик“ жамоасида ўйинларини олиб боради. Келаси йилнинг охиригача Галченкога ушбу клуб таркибида ўз ўйинларини давом эттириш учун турар-жой, прописка ва Россия фуқаролиги ваъда қилинган бўлса-да, Галченко Остроушко жамоасидан кейин Наманганнинг „Навбаҳор“ жамоасига жўнаб кетади.

Наманганнинг „Навбаҳор“ клубидан кейин Галченко Қозоғистонга қайтиб, олий лигадаги „Тобол“ клубида (2001—2002) ўйин ўтказади, 2002-йилдаги ўйинлар мобайнида 2 қизил ва 7 сариқ карточка[1] олади. Кейинчалик Галченко Талди-Қўрғоннинг „Жетису“ жамоасида (2003-2004) ва биринчи лигада Темиртаунинг „Булат-МСК“ (2004), Руднийнинг „Аят“ (2005), Житикарнинг „Асбест“ жамоаларида тўп туради (2005-2006).

1996-йилда Атлантада бўлиб ўтган Олимпия ўйинлари учун ўтказиладиган квалификацион турнирда ўз ўйинларини ўтказган.

2006—2013-йилларда Қўстанай вилояти ҳокимлиги жисмоний тарбия ва спорт бошқармасига қарашли „Болалар ва ўсмирлар футбол мактаби“ шаҳар давлат муассасасида мураббий бўлиб фаолият олиб борган[2][3].

2013—2017-йилларда Костанайнинг „Тобол“ спорт клуби директори бўлган.

Ютуқлари

  • Ўзбекистон чемпионатининг бронза медали совриндори (2 карра);
  • Қозоғистон чемпионатининг бронза медали совриндори;
  • Ўзбекистон кубоги ғолиби;
  • Ўзбекистон Суперкубоги соҳиби.

Манбалар

  1. ↑ Главний грубиян — Галченко из „Тобола“.
  2. ↑ „6 октября 2016, Лика НОВИКОВА. Спортивный директор ФК «Тобол» — о проблемах в Костанайской ДЮСШ футбола.“. 2016-йил 14-ноябрда асл нусхадан архивланган. Қаралди: 2021-йил 29-май.
  3. ↑ Июн 23, 2015. Июнский дуплет. В этом июне разменяли круглиэ дати Галченко и Абилкасимов.[сайт ишламайди]

Ҳаволалар

"https://new.ziyosfera.uz/ziyo/Konstantin_Galchenko" dan olindi