Korelli Arkanjello

Cорелли Арканжелло (1653.17.2, Фузиняно - 1713.18.1, Рим) — италян скрипкачиси, композитор, дирижёр, педагог. Италян скрипка ижрочилиги мактабининг асосчиси. 2 скрипка ва бас учун трио-сонаталар (1681—94 йилларда 4 тўплами нашр этилган), скрипка ва бас учун сонаталар (1700), оркестр учун 12 кончерто гроссо (1714) муаллифи. Сонаталари скрипка консерт услубининг етук намуналаридир, кончерто гроссо асарлари мумтоз симфоник мусиқа жанрларининг шаклланишида муҳим ўрин тутган. Деярли барча асарлари композицион равшанлиги ва шу билан бирга мукаммаллиги, мавзулари куйчанлиги, халқ куйларига яқинлиги билан ажралиб, Европа мумтоз мусиқа услублари юзага келишини яқинлаштирган.