Kosmopolitlar

Космополитлар (биологияда) — Ер юзининг ҳаёт мавжуд бўлган катта қисмида учрайдиган ўсимлик ва ҳайвонлар тури ёки бошқа таксонлари. Ўсимлик ва ҳайвонларнинг қатий космополит турлари унча кўп эмас. К. га ўсимликлардан сув ва ботқокликда ўсадиган турлар (лух, қовға, бақатун, рдеста) ёки ёввойи ўсимликлардан катта зубтурум, ачамбити, бир йиллик қўнғирбош, торонгул, ҳайвонлардан уй пашшаси, шаҳар чумчуғи, кулранг каламуш ва бошқаларни кўрсатиш мумкин. Кўпинча турга нисбатан юқорироқ таксонлар К. ҳисобланади. Ҳайвонлар орасида оғизайлангичлилар, чучук сув қисқичбақасимонлари, суварақлар; ўсимликлардан ғалласимонлар, мураккабгулдошлар ва бошқа К. бўлади. К. акси эндемикларямр.