Kotyan

Котян, Қўтан (ХИИИ аср) — Дашти Қипчоқнинг ғарбидаги қипчоқ (половец) хонларидан; Сутойхон ўғли. 1205-йил Галич князи Роман вафот этгач, Галич князлигида олиб борган жангларидан бирида асир тушишига сал қолган. 1223-йил мўғулларни Дашти Қипчоққа қилган босқинидан сўнг, К. Галичга, куёви княз Мстислав ҳузурига келиб, ундан ва барча князларидан мўғулларга қарши курашида ёрдам беришларини сўраган, ёрдам беришга ваъда қилинган. Рус князларининг бирлашган кучлари К. билан бирга Калка жангида мўғуллар томонидан буткул тор-мор қилинади. 1225-йил Мстислав К.ни Даниил Романович билан иттифоқ тузган ляхларга қарши курашиш мақсадида чақиртирган, 1228-йил К. Киевнинг улуғ князи Владимир Рюриковичга Даниилга қарши курашида ёрдамлашган; кейинчалик К. қигтчоқлари Венгрияга қарши жанг қилган Даниилга яна ёрдам беришган. 1238-йил Аштархон даштларида Ботухондан мағлуб бўлган К. 40 минг кишилик қабиладошлари билан Венгрияга қочиб борган, у ерда қирол К.ни фуқароликка қабул қилиб, қабиласи учун ер ажратиб берган.

Котян

Адабиёт

• Плетнева С. А., Половси, М., 1990; Кочевники средневековя, М., 1982.