Kreollar

Креоллар (испанча: cриолло — барпо қилмоқ) — 1) Лотин Америкасига дастлаб кўчиб келган испан ва портуғалларнинг авлодлари; 2) Бразилия ва Лотин Америкаси ҳамда Вест-Индиядаги инглиз, голланд, франсуз мустамлакаларида — африкалик қуллар авлодлари; 3) Серра-Леоне ва Либерияда — озод қилинган африкалик қуллар авлодлари; 4) Африка мамлакатларида — африкаликлар ва келгинди халқ вакиллари никоҳидан бўлган авлодлар; 5) 18—19 асрларда Аляскага кўчиб келган руслар билан индейслар, эскимослар ва алеутлар никоҳидан бўлган авлодлар.