Kromvel oqimi

Кромвел оқими - Тинч океан нинг шарқий қисмидаги юза оқим остидаги экваториал терс оқим. Шарққа томон Жанубий Пассат оқими остидан 154— 150° ғ.у.дан Галапагос ороллари томон тахминан 2° шаҳрик. ва 2° ж.к. оралиғида ҳаракатланади. Кромвел оқими 6500 км дан ортиқ масофага чўзилган, кенглиги 300 км чамасида, 100 ва 400 м чуқурлик оралиғида жойлашган бўлиб, шим. ва жан. чеккаларида ва шарқда юқорига кўтарилиб боради ва қалинлиги ҳам камаяди. Тезлиги 70—150 см/сек. Сув сарфи 30 млн. м³/сек.дан ортиқ. Кромвел оқими Тинч океаннинг экватор кенгликларидаги сув оқими сиркулясиясининг муҳим таркибий қисми ҳисобланади. АҚСҲ экспедициясига қарашли "Х.М.Смит" кемасида океанолог Т.Кромвел томонидан очилган ва унинг номи билан аталган.