Kukushka
„Кукушка“ (русча: Кукушка, яъни „Какку“) — „Кино“ совет рок мусиқа гуруҳи ижро этган қўшиқ. Гуруҳнинг 1991-йил эълон қилинган „Чёрний албом“ номли студиявий албомига бешинчи трек ўлароқ киритилган. „Кукушка“ гуруҳ репертуаридаги энг таниқли тароналарнинг биридир. Қўшиқ матнини ҳам, куйини ҳам гуруҳ хонандаси Виктор Сой ёзган.
| „Кукушка“ | ||||
|---|---|---|---|---|
| „Кино“ қўшиғи | ||||
| Чёрний албом албомидан | ||||
| Чиқарилган санаси | 1991 | |||
| Ёзиб олинган | 1990 | |||
| Жанр | янги тўлқин | |||
| Давомийлиги | 6:40 | |||
| Лейбл | Метадигитал | |||
| Қўшиқ муаллиф(лар)и | Виктор Сой | |||
| „Чёрний албом“ хронологияси | ||||
| ||||
Қўшиқнинг илк версияси 1990-йилнинг ёзида Латвиянинг Юрмала шаҳри яқинидаги Плиэņcиэмс қишлоғида жойлашган „Ямаҳа“ студиясида ёзиб олинган. „Кукушка“ 1990-йилнинг августида Сой вафот этишидан олдин ёзилган сўнгги қўшиқларнинг биридир. Сой вафотидан кейин „Кино“ гуруҳи аъзолари қўшиқни қайтадан ёзиб, аранжировка қилган. Қўшиқнинг ёзиб олиш тарихи ҳақида „Кино“ гитарачиси Юрий Каспарян шундай деган:
„Кушука“… Бу жуда шахсий [қўшиқ]. [Сой] уни қандай ёзганини эслайман. Кун бўйи шу хоначада ўтирди, у ерда студия бор эди, яъни бутунлай ёлғиз ўтирди. Жиддий нарса содир бўлаётган сезиларди. Ундан олдин мен [қўшиқни] эшитмагандим, Юрмалада илк бор эшитганман. Кейин эса аранжировка қилдик, тўлдирдик… Гап шундаки, у ҳар доим ёлғиз қўшиқ ёзарди. Бизга эса тайёр материал олиб келар, кўрсатарди…[1]
Қўшиқнинг Плиэņcиэмсда ёзиб олинган демоси 2002-йил „Мороз Реcордс“ лейблида эълон қилинган „Послендие записи“ албомига киритилган. Шунингдек, қўшиқнинг илк аранжировкаси ҳам мавжуд бўлиб, мазкур версияси 1990-йил эълон қилинган „Человек в чёрном“ филмида қўлланган.
„Кукушка“ қўшиғи „Дом под звёздним небом“ (1991), „Сёстри“ (2001), „Битва за Севастопол“ (2015) филмлари саундтрекига киритилган. „Битва за Севастопол“ филми учун қўшиқни Полина Гагарина куйлаган. Мазкур версия эълон қилиниши ортидан „Кукушка“ қўшиғи янада оммалашган. Гагарина ижроси 2015-йилнинг мартида ЁуТубеда юкланганидан 2022-йилнинг августига қадар 245 миллион мартадан кўп кўрилган[2]. Шунингдек, қўшиқни Земфира ҳам кавер қилган.
Манбалар
- ↑ „10 самых известных песен Виктора Цоя“ (русча). Дни (15-август 2016-йил). Қаралди: 21-август 2022-йил.
- ↑ „Полина Гагарина - Тҳе Cуcкоо (ОСТ Баттле фор Севастопол)“. ЁуТубе (31-март 2015-йил). Қаралди: 21-август 2022-йил.