Kurkuvaqlar

Куркувақлар (Меропидаэ) - кўкқарғалар туркумига мансуб қушларнинг бир оиласи. 25 тури маълум. Европанинг жануби, Шимолий Африка ва Осиёда тарқалган. 2 тури: кўкқунок ва кўк-куркувак ёки бўздоқ Ўрта Осиёда учрайди. К. чиройли: патлари яшил, сариқ, ҳаво ранг; бир турининг пати қизил бўлганидан қизил куркувак дейилади. Ўзбекистондаги К. қишлаш учун Жанубий Африкага учиб кетади. К. дарахциз очиқ ердарда, жарликларда, дарё бўйларида яшайди. Урчиш вақтида катта гала бўлиб, баланд тик жар ва тепаликлар ен бағрини тумшуғи билан ковлаб, уя ясайди. Май—июнда 4 — 10 та тухум қўяди. Ҳашаротлар, чигирткалар, қўнғизлар ва бошқа билан озиқланади.