Kursk jangi

Курск жанги — Иккинчи жаҳон урушидаги энг йирик жанглардан бири (1943-йил, 5-июл — 23 август).

Сталинград жангидан (1942—1943) сўнг, Брянск, Воронеж ва Марказий фронтларнинг қўшинлари немис фашист қўшинларини улкан ҳудуд бўйлаб суриб ташлаган. Натижада „Курск ёйи“ деб аталмиш фронт чизиғи юзага келган. Немис фашистлар қўмондонлиги ана шу ерда Воронеж ва Марказий фронт қўшинларини ўраб олиб, тор-мор қилиш режасини тузган. Бунга қарши совет қўмондонлиги дастлаб мудофаа, кейин қарши зарба операциялари билан душманни тор-мор келтириш ва унинг янги режаларини барбод қилиш режасини ишлаб чиққан. „Курск ёйи“ни мудофаа қилаётган қўшинларга қарши немислар ўзининг, 2, 9-пиёда аскарлар, 4-танк армияси, „Кампф“ тезкор гуруҳини жангга ташлаган. Натижада улар 5-июлда Орёл-Курск йўналиши бўйича 10—12 км, Белгород-Курск йўналиши бўйича 35 км масофага ёриб кирган. Июл— август ойларида Марказий, Воронеж ва Дашт (генерал-полковник Иван Конев), Ғарбий (генерал-полковник Василий Соколовский), Брянск (генерал-полковник Маркиан Попов) ва Жануби-Ғарбий (генерал-армия Родион Малиновский) фронти қўшинлари қарши ҳужумга ўтиб фашистларнинг 30 дивизиясини яксон қилган. Орёл ва Белгород (5 август), Харков (23 август) шаҳарлари озод қилинган. Курск жанги Иккинчи жаҳон урушида ҳал қилувчи бурилиш ясаган ва стратегик ташаббус узил-кесил совет қўшинларига ўтган.

Курск жанги бу танклар жанги.