Kuyov

Куёв — қариндошлик муносабатларини ифодалайдиган атама. 1) Қизнинг эри (қизнинг ота-онасига нисбатан); 2) уйланаётган ёки уйланган йигит ўз қайлиғига, унинг ота-онаси, қариндошлари, ҳатто маҳалладошларига ҳам К. ҳисобланади. Уни қиздан катталар Киёв., қиздан кичиклар почча деб атайдилар. Йигит унаштирилгандан бошлаб К. номини олади. Келин томон К.ни жуда катта иззат, эҳтиром билан ҳурмат қилади. Матриархатдан патриархатга ўтилиши натижасида ўзининг оилавий, уруғ хўжалиги билан мустаҳкам боғланган йигит қизни ўз оиласига олиб киради. К. ликнинг келиб чиқиши экзогам никоҳ ҳамда никоҳдан сўнг қизнинг йигит уйига келиб яшаши билан пайдо бўлган. Ўзбекларда эрга чиққан қиз, асосан, К.никига келиб яшайди, аммо уйлангандан сўнг қайнотақайнонанинг уйида яшаб қолувчи К. (ичкуёв) ҳам бўлади (яна қаранг Ичкуёв).