Larisa Kadirova
Лариса Хамидовна[1] (шунингдек Николаевна[2]) Кадирова (украинча: Лариса Хамидівна (Миколаївна) Кадирова, 1943-йил 10-сентябр, Тошкент, Ўзбекистон ССР, СССР) – совет ва украина театр ва кино актрисаси, театр ва жамоат арбоби. Украина ССР халқ артисти (1982).
| Лариса Кадирова | |
|---|---|
| Таваллуди |
10-сентябр 1943-йил |
| Фуқаролиги |
 СССР  Украина |
| Касби | Актриса |
| Фаолият йиллари | 1963– |
Таржимаи ҳоли
Лариса 1943-йил 10-сентябрда Тошкент шаҳрида таваллуд топган. Мария Занковецкая номидаги Лвов Украина драма театри қошидаги драма студиясини (1963, Борис Тягно устахонаси) ва И. К. Карпенко-Кари номидаги Киев театр санъат институтини (1981) тамомлаган.
Актриса 1963–1993-йилларда Занковецкая номидаги Лвов Украина драма театрида ўз фаолиятини бошлаган. Лариса театрдаги фаолияти билан бир қаторда, Иля Репин номидаги рассомчилик, ҳайкалтарошлик ва архитектура институтида ўқиган.
1993-йилдан И. Й. Франко номидаги Миллий Украина драма театри ва „Созвездие“ театрида актриса бўлган.
Лариса Хамидовна 1993-йилдан „Халқаро театр институти“ халқаро хайрия ташкилоти (Украина маркази) президенти бўлиб фаолият юритган. 1992–2000-йилларда Украина Миллий театр арбоблари уюшмасида раҳбар ўринбосари лавозимида ишлаган.
1998-йилдан П. И. Чайковский номидаги Миллий мусиқа академиясида профессор лавозимида ишлаган.
Лариса Култура телеканалида (Киев) бир қатор дастурлар муаллифи ва бошловчиси ҳамдир.
Актриса 1998-йилда „Боспорсие агони“ халқаро қадимий санъат фестивалига асос солган (Керч, Симферопол) ва ҳакамлар ҳай’атига бошчилик қилган. 2004-йилдан „Мария“ аёллар монодрамаси халқаро фестивалининг бадиий раҳбари бўлган.
Мукофотлари
Лариса Украина ССР халқ артисти (1982) ва Қрим Автоном Республикасида хизмат кўрсатган артист (2001)[3]. Украина театр санъати ривожига қўшган ҳиссаси учун Тарас Шевченко номидаги Украина Миллий мукофоти (2009) совриндори бўлган. „Буюк хизматлари учун“ 3-даражали орден соҳибаси (2014)[4][5].
Манбалар
- ↑ „Указ Президента України від 2 березня 2009р. № 117 Про присудження Національної премії України імені Тараса Шевченка“ (ук). Комітет з Національної премії України імені Тараса Шевченка. 2018-йил 15-июлда асл нусхадан архивланган. Қаралди: 2018-йил 1-май.
- ↑ „Журі фестивалю "Золоті оплески Буковини" очолила народна артистка України Лариса Кадирова (+відео)“ (ук). БукНеwс. 2018-йил 1-майда асл нусхадан архивланган. Қаралди: 2018-йил 1-май.
- ↑ „О присвоении почётных званий Автономной Республики Крым организаторам ИИИ Международного Фестиваля античной драмы "Боспорские агоны" (г. Керчь)“. 2022-йил 17-августда асл нусхадан архивланган. Қаралди: 2022-йил 17-август.
- ↑ „Указ Президент України від 22 січня 2014 року № 27/2014 «Про відзначення державними нагородами України з нагоди Дня Соборності та Свободи України»“. 2021-йил 26-январда асл нусхадан архивланган. Қаралди: 2019-йил 10-ноябр.
- ↑ „Кадирова Лариса Хамидівна“ (ук). Енціклопедія сучасної України. 2018-йил 1-майда асл нусхадан архивланган. Қаралди: 2018-йил 1-май.