Lavraziya

Лавразия [Лаврентий (ҳозирги Канада) қалқони ва Осиё номидан]—мезозой эрасида (айрим манбалар бўйича палеозой эрасида ва мезозой эрасининг бошида) Шимолий ярим шардаги материк ва қитъалар — Шимолий Америка, Европа ва Осиёни бирлаштирган улкан континент. Гондванадан Тетис билан ажралган. Лавразия Ернинг геологик тарихидаги энг йирик қитъалардан бири бўлган. Ларлазия таркибидаги қитъа (платформа)лар каледон ва герсин даврларида кучли метаморфизмга учраган бўлиб, мураккаб тоғ жинслари (вулкан, гранит, гранит-гнейс ва карбонат чўкиндилар)дан иборат бўлган. Палеозой охирига келиб бу қита (платформа)лар ягона қуруклик-қитъани ташкил этган. Мезозойнинг ўрталарида, ҳозирги Атлантика океанининг шим.да, тектоник ҳаракатлар туфайли у жойларда ер ёриқлари пайдо бўлиши натижасида қитъа катта-кичик бўлакларга бўлиниб кетган. Ларлазия даставвал Ернинг экваториал минтакасида жойлашганлиги ва ўзининг парчаланишидан кейин мезозой охирида шим.га кўчганлиги тахмин қилинади. Бошқа фикрларга кўра, Лавразия палеозойнинг бошидаёқ пайдо бўлган ва тошкўмир даврининг охирида бўлиниб кетган.