Lenur Arifov
| Ленур Ягя Арифов | |
|---|---|
| Таваллуди |
10-декабр 1938-йил Ялта, СССР |
| Вафоти |
11-март 2018-йил (79 ёшда) Симферопол |
| Фуқаролиги |
 СССР →  Украина →  Россия |
| Соҳаси | Ядро физикаси |
| Таълими | Самарқанд давлат университети |
Ленур Ягя Арифов (1938-йил 10-декабр Ялта – 2018-йил 11 март Симферопол) – совет ва украин физиги ва ижтимоий-сиёсий арбоби. Қрим Автоном Республикаси Вазирлар Кенгаши Раисининг ўринбосари (1997—1998), физика-математика фанлари доктори, В. Вернадский номидаги ТМУ назарий физика кафедраси профессори.
Ҳаёти
Ленур Арифов 1938-йил 10 декабрда Ялтада туғилган. 1944-йилда Қримдан депортация қилинган татар оилалари ичида унинг оиласи ҳам бор эди. Улар Ўзбекистонга депортация қилинган. Ленур Арифов оиласи билан Самарқандда яшаган.
Самарқанд университетининг физика факултетини (1961), Ўзбекистон Фанлар академияси (Тошкент) Ядро физикаси институти аспирантурасини (1964) тугатган.
1964—1968-йилларда кичик; 1968—1986-йилларда катта илмий ходим; 1986-1987-йилларда етакчи илмий ходим; 1987—1988-йилларда соҳалар назарияси сектори мудири; 1988—1992-йилларда Ўзбекистон ССР Фанлар академияси Ядро физикаси институти лабораторияси мудири[1].
Физика-математика фанлари доктори (1982).
1992-йилда оиласи билан Қримга қайтиб кетади.
1993-йил январ ойидан Физика назарияси кафедраси профессори, 1993-йил сентябрдан 1994-йил июлгача ва 1998—2005-йилларда Назарий физика кафедраси мудири, 2005-йилдан 2012-йилгача Симферопол давлат университетида Назарий физика кафедраси профессори бўлиб ишлаган.
1994—1998-йилларда Қрим Олий Кенгашининг депутати. 1995-йил март ойидан Қрим Олий Кенгаши доимий комиссиялари раиси. 1995-йил июлдан 1997-йил октябргача миллий сиёсат ва депортация қилинган фуқаролар муаммолари бўйича комиссия раиси лавозимида ишлаган. 1997-йил июндан 1998-йил майгача Қрим Вазирлар Кенгаши раисининг ўринбосари.
1993-йилдан Қрим-татар халқи Қурултойи делегати, Қрим-татар халқи мажлиси аъзоси[2]. 1999—2005-йилларда „Миллет“ ижтимоий-сиёсий ҳаракати раиси.
Қрим Автоном Республикасида хизмат кўрсатган таълим ходими (2005).
2018-йил 11-мартда Симферополда вафот этган. У Абдал қабристонига дафн этилган[3].
Манбалар
- ↑ Шостка В. И.. Арифов Леннур Ягья. — 40-41-бет. Қаралди: 2023-йил 7-сентябр (2020-йил 6-майда асл нусхадан архивланган).
- ↑ Коростеліна Т. А.. НАН України, Наукове товариство ім. Шевченка, Институт энциклопедических исследований НАН. ИСБН 944023354Х.
- ↑ „В Симферополе скончался видный ученый Ленур Арифов“ (ру). 2020-йил 1-июлда асл нусхадан архивланган. Қаралди: 2018-йил 14-март.
Адабиётлар
- Профессора Крымского федерального университета им. В. И. Вернадского : в 3-х т. / Крымский федеральный университет им. В. И. Вернадского ; авт.-сост.: А.А.
- Непомнящий, Д. А. Ломакин, В. А. Грушецкая и др. — Белгород : КОНСТАНТА, 2018. — Т. 1. — 404 с. — ИСБН 978-5-906952-74-5.