Леонид Николаевич Андреев (21- август 1871-йил, Орёл, Россия империяси – 1919-йил 12-сентябр, Неивола, Финландия) – рус ёзувчиси ва драматурги. Рус адабиёти кумуш асрининг ёрқин ёзувчиларидан бири. Андреев рус экспрессионизмининг асосчиси ҳисобланади. Унинг ижодий услуби ўзига хос бўлиб, турли адабий йўналишлар уйғунлигидан иборат.

Леонид Андреев
Таваллуди 21-август 1871-йил
Вафоти 1919-йил 12-сентябр
Неивола, Финландия
Ижод қилган тиллари Рус тили
Фуқаролиги Rossiya bayrogʻi Россия
Йўналиш Экспрессионизм, реализм, символизм, натурализм
Фаолият йиллари 1889-1919

Таржимаи ҳоли

Болалиги

Орёлда ер тузувчиси Николай Иванович Андреев (1847–1889) ва Анастасия Николаевна Андреева, полшалик ер эгасининг қизи оиласида дунёга келган. Болалигиданоқ ўқишга қизиқиш билдирган. Орёл классик гимназиясида таҳсил олган (1882–1891). У Шопенгауэр ва Хартманнинг асарларини севиб ўқиган.

Ёшлиги

Унинг ёшликдаги таъсирчанлиги ва ўсмирлик тасаввури уни бир неча бор бепарво ҳаракатлар қилишга ундаган: 17 ёшида ўз иродасини синаб кўришга қарор қилди ва яқинлашиб келаётган поровоз йўли орасига ётган, аммо зарар кўрмаган. Ўрта мактабни тамомлагач, Андреев Санкт-Петербург университетининг ҳуқуқ факултетига ўқишга кирди; Отасининг ўлимидан сўнг, унинг оиласининг молиявий аҳволи ёмонлашди ва Андреевнинг ўзи спиртли ичимликларни истеъмол қила бошлади. Бир вақтлар Андреев ҳатто оч ҳолатда ҳам қолган.У Санкт-Петербургда биринчи ҳикояларини ёзишга ҳаракат қилган, лекин ўз хотираларида эслаганидек, унинг асарларини Ҳақ тўламаганлиги учун таҳририятдан қайтаришган. Шундан сўнг Москва университетининг юридик факултетига ўқишга кирди. Москвада, Андреевнинг сўзларига кўра: „моддий ҳаёт яхшироқ эди: ўртоқлар ва қўмита ёрдам берди“[1]. 1894-йилда, севги муваффақияцизлигидан сўнг, Андреев ўз жонига қасд қилишга уринди. 1897-йилда университетда якуний имтиҳонларни муваффақиятли топширди, лекин деярли адвокатлик билан шуғулланмади, фақат бир мунча вақт Москва суд округида қасамёд қилувчи адвокатнинг ёрдамчиси бўлиб хизмат қилган[2]. 1897-йилда ўзининг журналистик фаолиятини „Московский вестник“ ва „Курер“ газеталарида бошлади. У ўзининг фелетонларини Жеймс Линч тахаллуси билан имзолаган. 1898-йилда „Курер“ журналида унинг биринчи ҳикояси „Баргамот ва Гараска“ нашр этилди. Андреевнинг сўзларига кўра, ҳикоя Диккенсга тақлид қилинган, аммо ёш муаллифни Максим Горкий пайқаган ва у Андреевни кўплаб ёш ёзувчиларни бирлаштирган „Знаниэ“ нашриёт ҳамкорлигига таклиф қилган.

Ижоди

Андреевга 1901-йилда „ЖИзн“ журналида „Жили-били“ ҳикояси нашр этилгани шон-шараф олиб келган.

Ёзувчилар Леонид Андреев (ўнгда) ва Викентий Вересаев

Ҳикоялари

1892-йил – В холоде и золоте

1898-йил – Баргамот и Гараска

1899-йил – Ангелочек

1899-йил – Друг

1900-йил – Молчание

1900-йил – В тёмную дал

1900-йил – Праздник

1901-йил – Бездна

1901-йил –Стена

1902-йил – В тумане

1902-йил – Мисл

Романлари

1903-йил –Жизн Василия Фивейского

1904-йил – Красний смех

1907-йил – Иуда Искариот

1908-йил – Мои записки

1908-йил – Рассказ о семи повешенних

1911-йил – Сашка Жегулёв

1916-йил – Иго войни

1919-йил – Дневник Сатани

Фарзандлари

Орёл шаҳридаги манзили

Вилла „Аванс“, Л. Андреевга тегишли (сақланмаган).
  • 1871–1891 – Андреевлар оиласининг аждодлар уйи – 2-Пушкарная кўчаси, 41-хонадон[3].

Манбалар

  1. ↑ Чуковский К. Собрание сочинений. Т. 6. Дневник (1901—1921). С. 184
  2. ↑ Императорский Московский университет 2010.
  3. ↑ „Музей Л. Андреева в г. Орёл“. 2009-йил 7-июнда асл нусхадан архивланган. Қаралди: 2005-йил 24-июл.