Leonid Trebuxin
Леонид Петрович Требухин (1925–?) – авиация саноатида ишлаб чиқариш бўйича совет етакчиси, Ўзбекистон ССР халқ хўжалиги В. П. Чкалов номидаги Тошкент авиация заводи электромонтёрлар устаси. Социалистик Меҳнат Қаҳрамони (1960).
| Леонид Требухин | |
|---|---|
| Таваллуди |
1925-йил |
| Вафоти | номаʻлум |
| Фуқаролиги |
 СССР |
Биографияси
Леонид Петрович 1925-йилда Ўзбекистон ССР, Тошкент шаҳрида рус оиласида таваллуд топган.
Требухин 1942-йилдан бошлаб, Улуғ Ватан уруши йилларида ўз меҳнат фаолиятини В. П. Чкалов номидаги Тошкент авиация заводида (СССР Авиация саноати халқ комиссарлигининг 84-сонли заводи) электромонтёри сифатида бошлаган. Бу завод Ли-2 фронт эҳтиёжлари учун ҳарбий техника ва ҳарбий самолётлар ишлаб чиқариш билан шуғулланган[1].
Урушдан сўнг, Леонид 1945-йилда В. П. Чкалов номидаги Тошкент авиация заводига (1946-йилдан – СССР Авиация саноати вазирлиги ва 1963-йилдан – Ўзбекистон ССР Халқ хўжалиги Совети) электромонтёрлар бригадири лавозимига тайинланган. Завод 1954-йилдан Ил-14, 1957-йилдан Ан-8, 1960-йилдан Ка-22 роторли, 1966-йилдан Ан-22 ва 1973-йилдан Ил-76 самолётларини ишлаб чиқариш билан шуғулланган[2].
Леонид Петрович Требухин 1960-йил 28-майда СССР Олий Кенгаши Президиумининг Фармони билан „Юқори ишлаб чиқариш муваффақиятлари, коммунистик меҳнат бригадалари ва зарбачилари унвони учун мусобақани ташкил этишда кўрсатган ташаббуси учун“ унвонига сазовор бўлган. У Социалистик Меҳнат Қаҳрамони, Ленин ордени ва Ўроқ ва Болға олтин медали билан тақдирланган.
Требухин 1963-йил 26-апрелда СССР Олий Кенгаши Президиумининг Фармони билан „меҳнатдаги ютуқлари учун“ „Шавкатли меҳнат учун“ медали билан тақдирланди.
Леонид Требухин нафақага чиққанидан кейин Ўзбекистоннинг Тошкент шаҳрида истиқомат қилган.
Мукофотлари
Леонид Петрович 1960-йил Ўроқ ва Болға олтин медали, Ленин ордени ва 1963-йил „Шавкатли маҳнат учун“ медалига сазовор бўлган.
Манбалар
- ↑ „Требухин Леонид Петрович“ (русча). Герои страны. Қаралди: 2023-йил 8-ноябр.
- ↑ 50 крилатих лет : К 50-летию со времени основания, 1932—1982 / Ташк. авиац. произв. об-ниэ им. В. П. Чкалова; [Редкол.: В. Н. Сивес и др.]. – Ташкент : Узбекистан, 1982 г. – 159 с