Leonid Zaiko
Леонид Федорович Заико (беларусча: Леанід Фёдаравіч Заіка; 1948-йил 23-август, Гродно – 2020-йил 27-декабр, Минск) – беларуслик иқтисодчи ва сиёсацҳунос, таҳлилчи. Иқтисодиёт фанлари номзоди (1975).
| Леонид Федорович Заико | |
|---|---|
| Таваллуди |
23-август 1948-йил Гродно, Белоруссия ССР, СССР |
| Вафоти |
27-декабр 2020-йил Минск, Беларусия |
| Фуқаролиги |
 Беларус |
| Соҳаси | макроиқтисодиёт |
| Иш жойлари | Хитой халқ университети, Москва давлат университети, Киев миллий университети, Тошкент давлат университети, Европа гуманитар университети |
| Таълими | Беларус давлат иқтисодиёт университети |
Ҳаёти
Леонид Федорович Заико 1948-йил 23-августда Гродно шаҳрида туғилган.
Унинг отаси Федор Иванович Украиналик, онаси Галина Романовна эса Россиялик (Курскда туғилган) бўлган. Леониднинг ота-онаси отасининг расмий вазифалари туфайли Гроднога кўчиб келишган.
1970-йилда Беларус иқтисодиёт университетини тамомлаган. 1975-йилда Иқтисодиёт фанлари номзоди, 1983-йилда эса доцент бўлган.
Леонид Заико Белоруссиянинг турли университетларида дарс берган. Шунингдек, Олий Иқтисодиёт мактабида (Берлин), Хитой Халқ Университетида (Пекин), Москва давлат университетида (Россия), Иқтисодий ривожланиш институтида (Вашингтон), Санкт-Петербург университетида (Россия), Киев (Украина) ва Тошкент (Ўзбекистон) университетларида ҳам дарс берган[1].
1991–1994-йилларда Миллий гуманитар фанлар институти кафедра мудири, проректори, Европа гуманитар университети иқтисод факултети декани лавозимларида ишлаган.
1992-йилдан бери Жаҳон банкининг Беларусда макроиқтисодий сиёсат бўйича лойиҳаларини бошқарган. Мустақил эксперт сифатида 1996–1999-йилларда Беларус Республикаси Вазирлар Кенгашининг Иқтисодий ривожланиш кенгаши аъзоси, 2000–2002-йилларда Беларус Республикаси Миллий Ассамблеяси Экспертлар кенгаши аъзоси бўлган. 1996–1997-йилларда „Шарқ-Ғарб“ стратегик ташаббуслар миллий маркази нодавлат ташкилотига раҳбарлик қилган. 1997-йилда „Стратегия“ таҳлилий маркази Республика жамоат бирлашмаси раҳбари бўлган.
2000-йилда у Беларус Республикасининг Инсон тараққиёти тўғрисидаги Миллий ҳисоботининг илмий муҳаррири ва Миллий маърузаларни тайёрлаш бўйича Белоруссияда БМТ Тараққиёт дастурининг Илмий маслаҳат кенгашига раҳбарлик қилган. 2004-йилдан „Сатио“ илмий-техника фанлари марказининг илмий маслаҳатчиси, қатор халқаро ташкилотлар эксперти бўлган.
Хотини вафот этгач, ўғлини 9 ёшидан бошлаб ўзи катта қилган[2].
Леонид Федорович Заико 2020-йил 27-декабрда коронавирус инфексияси оқибатида вафот этган[3].
Манбалар
- ↑ „Умер известный белорусский экономист Леонид Заико“. www.белсат.эу. 2020-йил 25-июнда асл нусхадан архивланган. Қаралди: 30-ноябр 2023-йил.
- ↑ „Известный экономист Леонид Заико один воспитывает сына с 9-летнего возраста“. 2017-йил 17-апрелда асл нусхадан архивланган. Қаралди: 2020-йил 27-декабр.
- ↑ „Умер экономист и политолог Леонид Заико“ (деадлинк). 2020-йил 27-декабрда асл нусхадан архивланган. Қаралди: 2020-йил 27-декабр.
Ҳаволалар
- Профиль на экономика.бй