Lev Landau

Лев Давидович Ландау [1908-йил 22-январ Боку – 1968-йил 1-апрел Москва) – рус назариётчи физиги, Академик (1946). Меҳнат Қаҳрамони (1954). Илмий ишлари квант механика, ўта оқувчан суюкликлар назарияси, ўта ўтказувчанлик, қаттиқ жисм физикаси, атом ядроси ва элементар зарралар физикаси, плазма, квант электродинамика, астрофизика ва бошқа соҳаларга оид. Металларнинг электрон диамагнетизми назариясини яратган (1930, Ландау диамагнетизми), рус олими Е. М. Лифшиц билан бирга ферромагнетиклар ва ферромагнит ре-зонанснинг доменли тузилишини ишлаб чиққан (1935). Гелийнинг ўта оқувчанлигини назарий жиҳатдан исбот қилган (1941). У электрон плазмалари хусусий тебранишининг сўниш декрементини ифодаловчи эффектни фанга киритган (бу эффект „Ландау сўниши“ деб ном олган). Рус олими В. Л. Гинзбург билан ҳамкорликда ўта ўтказувчанлик назариясини яратган (1950), Рус олимлари А. А. Абрикосов, И.М Халатников ва И. Я. Померанчук билан ҳамкорликда квант электродинамика асосларини текширган (1954—55). Икки компонентли нейтрино назариясини (1957), ферми-суюклик назариясини яратган (1956—58). Нобел мукофоти лауреати (1962).

Лев Давидович Ландау
Таваллуди	22-январ 1908-йил Боку, Россия Империяси
Вафоти	1-апрел 1968-йил(1968-04-01) (60 ёшда) Москва, РСФСР
Фуқаролиги	Россия Империяси → ОДР → СССР
Миллати	Яҳудий
Соҳаси	Назарий физика
Иш жойлари	РФА ФТИ, ХФТИ, ХУ, РФА – ФМИ, МДУ, МФТИ
Таълими	Боку давлат университети, Санкт-Петербург давлат университети
Илмий даражаси	Фан доктори
Илмий унвони	Профессор, СССР ФА академиги
Академик раҳбарлари	Ниэлс Боҳр
Машҳур шогирдлари	Алексей Абрикосов Александр Аҳиэзер Игор Дзялошинский Лев Питаэвский
Мукофотлари	Нобел мукофоти лауреати  Физика бўйича Нобел мукофоти (1962) Макс Планк Медали (1960)

Ҳаволалар

• Викиомборда „Лев Ландау“ мавзуси бўйича медиафайллар бор.