Lev Shvarts
Лев Александрович Шварц (1898-йил 17-ноябр – 1962-йил 24-феврал) – совет бастакори, кўплаб совет филмлари учун мусиқа муаллифи сифатида танилган.
Лев Шварц | |
|---|---|
 | |
| Таваллуди |
17-ноябр 1898-йил |
| Вафоти |
24-феврал 1962-йил Москва, СССР |
| Жанрлар | симфония, опера |
| Касби | композитор, пианиночи |
| Фаолият йиллари | 1934–1962 |
| Фуқаролиги |
 Россия империяси Россия империяси  СССР |
Биографияси
Лев Александрович Шварц 1898-йил 17-ноябрда Тошкентда (Туркистон генерал-губернатори) шифокор яҳудий Ашкеназийлар оиласида таваллуд топган. Унинг отаси Александр Лвович Шварц Германияда (Берлин университети) таҳсил олган ва ажойиб юқумли касалликлар шифокори эди. У ўттиз йилдан ортиқ Тошкентнинг Эски шаҳар ҳудудидаги эркаклар поликлиникасига раҳбарлик қилган[1]. Шварцнинг оиласида болалар беш ёшдан бошлаб хусусий ўқитувчидан мусиқа ўрганишган. Инқилобдан кейинги 1917–1921-йилларда гимназияни аъло баҳолар билан тамомлаган. Шварц ўз маҳоратини ошириб, ўша даврнинг машҳур пианиночиси, Тошкентда вақтинча яшаган К. Н. Игумнов шогирди В. И. Буюклидан таҳсил олишда давом этган[2].
Шварц 1922-йилда Чайковский номидаги Москва давлат консерваториясига ўқишга кириш учун тавсиянома олган ва 1925-йилда ўқишга кирган.
1927-йилда Москва консерваториясида К. Н. Игумнов (фортепиано) синфни тугатган ва Г. Л. Катуар билан композицияни ўрганган.
Лев Александрович 1927–1930-йилларда Гнесини номидаги мусиқа техникумида фортепианодан дарс берган. 1931–1933-йилларда Бутуниттифоқ радио қўмитаси куйчиси бўлган.
Шварц 1935-йилдан 1962-йилгача ўттиздан ортиқ жонли ва анимацион филмларга мусиқа ёзган бастакор сифатида танилган.
Шварц 1962-йил 24-февралда Москвада вафот этган. У Донской монастири қабристонининг 4-бўлимига кўмилган.
Оиласи
Шварцнинг рафиқаси Надежда Гавриловна Снежко-Блоцкая, рассом бўлган. Қизи – Сузанна Лвовна Богданова (Снежко Блоцкая), молекуляр биолог. У кимёгар Алексей Алексеевич Богдановнинг рафиқаси. Ўғли – Александр Лвович Шварц (1945–2020), совет ва рус рассоми, график рассом ва мусиқачи. Рафиқасининг синглиси – Александра Снежко-Блоцкая, совет аниматори бўлган.
Манбалар
- ↑ Шварц, А. ХХВ-летиэ 1-и музҳскои лечебницй туземнои части гор. Ташкента (русский) // Средниаиа Азииа. — 1911. — Т. 8. — С. 114.
- ↑ „ЛЕВ ШВАРЦ“. Қаралди: 2023-йил 6-ноябр.