Limnadalar

Лимнадалар (қадимги юнонча: Λιμνάδες; бошқа исмлар: Лимнатидалар (қадимги юнонча: Λιμνατιδες), Лейменидлар (қадимги юнонча: Λειμενίδες)) — юнон мифологиясидаги нимфалар, наядаларнинг прототиплари, улар асосан чучук сув ҳавзаларида, дарёлар ва сойлардан ташқари яшаган.

Лимнадалар

ботқоқ, кўл ва ҳовузлар нимфалари
Мифология	қадимги юнон мифологияси
Тури	нимфалар
Жойлашуви	ботқоқ, кўл, ҳовуз
Юнонча ёзилиши	Λιμνάδες
Жинс	аёл

Гастон Буссиэр. Ғордаги денгиз нимфалари. 1924-йил

Мифология

Лимнадалар унчалик маълум бўлмаган мавжудотлардир. Улар кўллар, ҳовузлар ва ботқоқла, гоҳида ўтлоқларнинг нимфалари, улар асосан турғун сувларда яшайдилар. Уларнинг ота-оналари дарё ва кўлларнинг маъбудларидир.

Лимнадалар ғайриоддий кўринишга эга. Юзи шаффоф оч яшил рангга эга, териси бахмал, ичкаридан порлайди. Уларнинг катта тўқ яшил кўзлари, йирик лаблари ва зумрад тусли порлаб турган тишлари бор. Ушбу нимфаларнинг оёқлари тўрли, қурбақага ўхшаш панжалари бор. Бел ва билакларни нилуфар ва сув замбакларининг юпқа гулчамбарлари ўраб олади. Лимнаданинг бошида ҳам худди шу гулчамбари бор. Улар асосан амброзия билан озиқланган ва ҳар доим чиройли ва ёш бўлиб қолиш қобилиятига эга эдилар.

Гарчи улар илоҳий иэрархияда пастроқ ўрин эгаллаган бўлсалар ҳам, улар Олймпга қабул қилинган ва одамлар томонидан ҳурмат қилинган. Лимнадалар, кўпгина нимфалар каби, узоқ умр кўрадилар, лекин улар абадий эмас ва уларни ўлдириш мумкин.

Кечаси лимнадалар сайрга чиқиб, сув омборини чироқлар билан ёритади. Зулматдаги ёрқин чироқлар ёлғиз саёҳатчиларни чақиради, лекин уларга яқинлашиш хавфлидир, чунки лимнадалар кўпинча сайр қилиш учун чуқур жойлар ва ботқоқларни танлашади. Бу нимфалар одамга ҳужум қилиши ва уни ейиш учун одамларнинг яқинлари қиёфасига киришлари ва руҳларини ўқий олишлари мумкинлигига ишонишган.

Таснифланиши

Қуйидаги рўйхат фақат лимнадаларнинг айрим турлари ва номларини ўз ичига олади. Аслида, уларнинг хилма-хиллиги бу рўйхат билан чекланмаган.

• Астакидлар (Αστακίδες) — Битиниядаги Астакос кўлининг нимфалари.
• Болба (Βόλβη) — Фессалиядаги худди шу номдаги кўлнинг нимфаси (Болба); Океан ва Тефиданинг қизи; келиб чиқишига кўра Океанидлар қаторига киради.
• Лимнея (Λιμναία) ҳинд дарёси худоси Гангнинг қизи.
• Салмакида (Σαλμακίς) — нимфа, Гермафродитнинг суюклиси, у билан бирга бир мавжудотга айланган.
• Тритонида (Τριτονίς) — Шимолий Африкадаги Ливияданинг худди шу номдаги тузли кўли нимфаси, каноник бўлмаган версияга кўра, маъбуда Афинанинг онаси.

Ҳаволалар

• Диcтионарй оф Греэк анд Роман Биограпҳй анд Мйтҳологй. — Вол. 2. — п. 1216 // Анcиэнт Либрарй. Wайбаcк Мачине.