Liya Golden
Лия Оливеровна (Лили) Голден (инглизча: Лилй Голден, 18-июл 1934-йил, Тошкент – 6-декабр 2010-йил, Москва) – совет ва рус жамоат арбоби, ирқчиликка қарши курашувчи, африкалик олим, тарих фанлари номзоди, дунёнинг кўплаб университетлари профессори, Чиcаго университетининг фахрий доктори. Россиялик журналист, телевидение ва радио бошловчиси Елена Хангининг онаси[1].
| Лия Голден | |
|---|---|
 | |
| Таваллуди |
18-июл 1934-йил Тошкент, ЎзССР, СССР |
| Вафоти |
6-декабр 2010-йил Москва, Россия |
| Фуқаролиги |
 СССР  Россия |
| Илмий унвони | профессор |
Таржимаи ҳоли
Лия Голден 1934-йил 18-июл Тошкент шаҳрида Оливер Голден ва Лили Исааковна Бялик оиласида таваллуд топган. Тошкентда мусиқа мактабини тамомлаган, теннис билан шуғулланган ва Ўзбекистон терма жамоаси сафида Бутуниттифоқ мусобақаларида қатнашган. У Москва давлат университетининг тарих факултетини тамомлаган ва „Африка мусиқаси: тарихий ривожланиш тенденсиялари“ мавзусида номзодлик диссертациясини ҳимоя қилган (1967)[2]. У Сталиннинг қизи Светлана Аллилуева билан дўст эди ва унга СССРдан кўчиб кетишни маслаҳат берди. Лия 30 йилдан ортиқ вақт давомида СССР Фанлар академиясининг Африка тадқиқотлари институтида ишлаган. Россиядаги африкаликлар тарихи ва Африка мусиқаси бўйича китоблар, шунингдек, юздан ортиқ илмий мақолалар нашр этган.
Лия Голденнинг фаолияти асосан дунёнинг қора диаспораси, айниқса Россия, Европа ва АҚШни ўрганиш ва ҳимоя қилиш билан боғлиқ эди. У Қора танли аёллар муаммолари халқаро институти Оқсоқоллар кенгаши аъзоси, дунёнинг кўплаб университетларида профессор ва Чиcаго университетининг фан доктори бўлган.
Лия иккита филмда эпизодик ролларда ўйнаган: „Чорний, как я“ (1969) ва „Чорное солнсе“ (1970).
Голден 2010-йил 6-декабрда москвада вафот этган ва Москвадаги Ваганковский қабристонининг 38-бўлимига, онасининг ёнига кўмилган.
Манбалар
- ↑ „Голден, Лия Оливеровна“ (русча). Кино-Театр.Ру. Қаралди: 2023-йил 28-ноябр.
- ↑ |, Елена ЧИНКОВА. „Телеведущая «КП» Елена Ханга: «Как бежать из СССР, Светлане Аллилуевой подсказала моя мама»“ (ру). кп.ру - (2011-йил 1-декабр). Қаралди: 2023-йил 27-ноябр.