Luiza Islam
Луиза Ислам Али-зоде (1971-йил 10-феврал, Тошкент, Ўзбекистон) – мецсо-сопрано йўналишидаги ўзбек опера хонандаси. 2008-йилда „Мусиқий театрдаги энг яхши аёл ижрочи“ деб ҳисоблангани учун „Олтин ёритувчи“ мукофотига сазовор бўлган.
Луиза Ислам Али-Заде | |
|---|---|
| Таваллуди |
10-феврал 1971-йил |
| Касби | Опера ижрочиси |
| Фуқаролиги |
 Ўзбекистон  Германия |
Таржимаи ҳоли
Луиза 1971-йил 10-февралда Тошкентда таваллуд топган. Тошкентдаги Ҳамза номидаги мусиқа коллежида (ҳозирги Ҳамза Ҳакимзода Ниёзий номидаги Республика давлат мусиқа коллежи), сўнгра Н. А. Римский-Корсаков номидаги Санкт-Петербург консерваториясида қўшиқчилик бўйича ўқиган. Кейинчалик Штутгарт мусиқа ва театр олий мактабида таҳсил олди. Унинг профессорлари Константин Плюшников, Силвия Гешти, Конрад Рихтер, Том Краузе, Жулетта Симионато, Ламара Чкония ва Федора Барбери эди[1].
Луиза ўз опера фаолиятини Санкт-Петербургдаги Зазеркале театрида бошлаган ҳамда у ерда режиссёр Александр Петров ва дирижёр Павел Бубелников раҳбарлигида актёрлик маҳоратини ҳам оширган.
Луиза Европанинг кўплаб опера театрларида, жумладан, Вена Волксоперида, Гамбург опера театрида, Копенгаген ва Немис операсида чиқишлар қилган. Шунингдек, Женева Катта театрида, Тулуза Капитолий театрида, Қироллик Валлон операсида ва бошқа опера уйларида ҳам турли роллар билан ҳар хил фестивалларда иштирок этган.
Луиза 1999-йилда Тортеле бошчилигидаги Лион миллий оркестри билан биргаликда франсуз бастакори Филипп Эрсаннинг „Пейзаж с Руиной“ асарининг премерасини ижро этди. Бу ижро кўплаб Европа мамлакатларида радиога ёзиб олинди.
Опера хонандаси 2011-йилда Батумида янги опера уйининг очилишида концерт берди. Шунингдек, Луиза либретто ёзган ва Владимир Генин мусиқаси билан „Сердсе малчика из Пермонта“ операсини бошқарган. Кейинчалик бу мусиқа филмда қайта дунё юзини кўрган[2].
Мукофотлари
Луиза „Мусиқий театрдаги энг яхши аёл ижрочи“ бўлгани учун „Олтин ёриювчи“ (2008)[3][4] мукофотига сазовор бўлган.
АРД халқаро мусиқа танловида учинчи ўринни эгаллаган.
Ислам Али-Заде Ганс Габор номидаги Белведер халқаро вокал танловида иккинчи мукофотини қўлга киритган.
Манбалар
- ↑ „- Обо мне“ (де-ДЕ). 54415810.сwҳ.страто-ҳостинг.эу. Қаралди: 2023-йил 11-октябр.
- ↑ „Дас Кнабенҳерз вон Пйрмонт, Wелтпремиэре — Натаниа Ҳоффман“ (эн-УС). Натаниа Ҳоффман (2021-йил 17-июл). Қаралди: 2023-йил 11-октябр.
- ↑ „Страницы московской театральной жизни: Театральные новости за 22 июля 2008 г.“. www.тҳеатре.ру. Қаралди: 2023-йил 11-октябр.
- ↑ „Золотой софит“. Қаралди: 2023-йил 11-октябр.