Lyuyshun

Люйшун (Порт-Артур) - Хитойнинг шим.-шарқий қисмидаги шаҳар, Сариқ денгиз соҳилидаги йил давомида музламайдиган порт, ҳарбий денгиз базаси. Ляонин провинсиясида, Ляо-дун ярим оролнингжан. чеккасида. Далян шаҳри билан бирга Люйда маъмурий шаҳар ҳудуди таркибида. Кема ремонт қилувчи корхоналар бор. Л. ХИХ асрнинг 80-йилларида кичик қишлоқ бўлган. Ўша вақтдан Хитой ҳукумати Л.да ҳарбий порт қура бошлади. 1898-йилда Л.ни Россия Хитойдан ижарага олиб, ундан Ҳарбин шаҳрига темир йўл ўтказди. Подшо ҳукумати ша-ҳарни ҳарбий денгиз базасига айлантириб, Порт-Артур деб атади. Л. 1905—45 йилларда Япония кўл остида бўлди. 1955-йилда Россия Л.дан ўзининг ҳарбий кучларини олиб чиқиб, Хитойга қайтарди.