Мадрид университети - Испаниядаги йирик олий ўқув юрти. Алкаладе Энарес (1508) ва Мадриддаги Марказий университет (1821)ларни бирлаштириш (1836) натижасида ташкил топган. 1850-йилдан Мадрид университети деб аталади. Фалсафа, филология, табиий фанлар, ҳуқуқ, тиббиёт, фармацевтика, ветеринария, сиёсий ва иқтисодий фанлар, психология ва психотехника, статистика, стоматология, суд тиббиёти, амалий юриспруденсия, қиёсий ҳуқуқ, алоқа, денгиз флоти, социология ва бошқа соҳалар бўйича мутахассислар тайёрлайди. 134 мингга яқин талаба таълим олади. Кутубхонасида 700 мингдан ортиқ асар сақланади.[1]

Манбалар

  1. ↑ ЎзМЕ. Биринчи жилд. Тошкент, 2000-йил