Магнит диэлектриклар (магнит ва диэлектриклар) — магнит киритувчанлиги ва электр қаршилиги юқори бўлган, уюрма токлар кам йўқоладиган материаллар; магнит материалларнинг бир тури. Бир-биридан электр жиҳатдан изолясия килинган ферромагнетик зарралардан иборат бўлиб, улар диэлектриклар билан ягона массага туташтирилган. Магнит жиҳатдан юмшоқ Магнит диэлектриклар ферромагнит қотишмалар (мас, никелли темир) нинг карбонил темирнинг кукунларига, магнит жиҳатдан юмшоқ ферритларга суюқ шиша, резина ва бошқа моддалар кушиб олинади. Бундай Магнит диэлектриклардан индуктив ғалтак, юқори частотали трансформаторларнинг ўзаклари тайёрланади. Магнит жиҳатдан қаттиқ Магнит диэлектриклар таркибида никел-алюминий пўлатлар, барий ёки стронсий ферритлари, темир-кобалтли қотишмаларнинг кукунларига турли диэлектриклар қўшиб олинади. Улар кичик магнитлар, магнитли ёзиб олиш учун ленталар ва бошқа ишлаб чиқаришда қўлланади.[1]

Манбалар

  1. ↑ ЎзМЕ. Биринчи жилд. Тошкент, 2000-йил