Ziyosfera

Magomet Botashev

Магомет Абдурзакович Боташев (1921-йил 5-май, РСФСР, СССР, Карачай миллий округи, Хурзук қишлоғи – 2006-йил 6-май) – совет партия етакчиси, давлат арбоби, Қорачой-Черкасия вилоят ижроия қўмитаси раиси (1964–1979). Миллати қорачой[1].

Магомет Абдурзакович Боташев
Магомед Абдурзакович Боташев
Таваллуди 5-май 1921-йил
Қорачой миллий округи, СССР
Вафоти 6-май 2006-йил(2006-05-06)
(85 ёшда)
Жанг/уруш Улуғ Ватан Уруши
Мукофотлари

Ҳаёти

Магомет Абдурзакович Боташев 1921-йил 5-майда туғилган. Унинг келиб чиқиши қадимги қорачой қишлоғи Хурзук уруғидан. Тўрт ака-сингилнинг энг кенжаси ҳисобланади. Отаси у ҳали бир ёшга тўлмаганида вафот этган. Болалиги ва ёшлиги Кисловодскда ўтган, у ерда мактабни олтин медал билан тамомлаган. Кейин Тбилисидаги саноат институтига ўқишга кирган ва ўқиш пайти армияга чақирилган. Магомет Абдурзакович Боташев Совет-фин уруши ҳамда Улуғ Ватан уруши қатнашчиси. У артиллерия офицери бўлган, кўплаб ҳарбий мукофотлар билан тақдирланган ҳамда Сталинград мудофааси ва Курск жангларида қатнашган. Урушдан кейинги даврда қорачойлар билан бирга Ўрта Осиёга сургун қилинган. Бир муддат Тошкентда яшаган ва Тошкент темир йўл транспорти муҳандислари институтини тамомлаган. Қатағонга учраган халқларни ўз ватанига қайтариш ҳаракатининг фаол иштирокчиси бўлган.

Магомет Абдурзакович Боташев 1939–1945-йиллар Қизил Армия сафидада хизмат қилган. 1957–1965-йилларда КПСС Қорачой шаҳар қўмитаси котиби, Қорачой-Черкасия вилояти режалаштириш комиссиясининг раиси бўлган. 1965–1979-йилларда Қорачой-Черкасия вилояти ижроия қўмитаси раиси, 1979–1989-йилларда СССРнинг Полшадаги савдо ваколатхонаси раисининг ўринбосари бўлган.

Магомет Абдурзакович Боташев 1989-йилдан нафақага чиққан ҳамда 2006-йил 6-майда 85 ёшида вафот этган.

Мукофотлари

Магомет Абдурзакович Боташев „Биринчи даражали Ватан уруши“ ва „Қизил Юлдуз“ орденлари, учта „Меҳнат Қизил Байроқ“ ордени, „Шон-шараф белгиси“ ордени ҳамда „Жасорат учун“, „Сталинград мудофааси учун“ ва „Германия устидан қозонилган ғалаба учун“ каби кўплаб медаллар билан тақдирланган. У 1997-йилда ИИ даражали „Ватанга хизматлари учун“ ордени, 2001-йилда эса „Дўстлик“ ордени билан мукофотланган[2][3].

Манбалар

  1. ↑ „Боташев, Магомет Абдурзакович“. www.диc.аcадемиc.ру. Қаралди: 20-ноябр 2023-йил.
  2. ↑ „Указ Президента Российской Федерации от 08.05.1997 г. № 459“. 2019-йил 4-июлда асл нусхадан архивланган. Қаралди: 2015-йил 29-июн.
  3. ↑ „Указ Президента Российской Федерации от 27.04.2001 г. № 504“. 2019-йил 6-октябрда асл нусхадан архивланган. Қаралди: 2015-йил 29-июн.

Ҳаволалар

"https://new.ziyosfera.uz/ziyo/Magomet_Botashev" dan olindi