Mahmudxon Ismoilov
Маҳмудхон Исмоилович Исмоилов (1947-йил 22-июн, Тошкент, Ўзбекистон ССР – 2015-йил 2-август, Тошкент, Ўзбекистон) – ўзбекистонлик муҳандис олим, техника фанлари доктори, профессор.
| Маҳмудхон Исмоилович Исмоилов | |
|---|---|
 | |
| Таваллуди |
22-июн 1947-йил Тошкент, Ўзбекистон ССР |
| Вафоти |
2-август 2015-йил (68 ёшда) Тошкент, Ўзбекистон |
| Фуқаролиги |
 Ўзбекистон |
| Касби | муҳандис олим |
| Соҳаси | электр |
| Таълими | Тошкент ирригация ва қишлоқ хўжалигини механизациялаш муҳандислари институти |
| Илмий даражаси | техника фанлари доктори |
| Илмий унвони | профессор |
| Мукофотлари |
 |
Биографияси
Маҳмудхон Исмоилов 1947-йил 22–июнда Тошкент шаҳрида зиёли оилада туғилган. Маҳмудхон Исмоилов 1965—1970-йилларда Тошкент ирригация ва қишлоқ хўжалигини механизациялаш муҳандислари институтида ўқиган. 1970—1972-йилларда Тошкент ирригация ва қишлоқ хўжалигини механизациялаш муҳандислари институти „Электр энергиясини ишлаб чиқариш ва тарқатиш“ кафедраси ассистенти, 1976—1980-йилларда „Қишлоқ хўжалигида электр энергиясини қўллаш“ кафедраси катта ўқитувчиси, 1980—1985-йилларда „Қишлоқ хўжалигини электрлаштириш ва автоматлаштириш“ факултети декани ўринбосари, 1985—1992-йилларда ушбу факултет декани, 1992—1993-йилларда сиртқи таълим факултети декани, 1993—1996-йилларда сиртқи таълим бўйича проректор, 1996—2001-йилларда сиртқи таълим факултети декани, 2001—2003-йилларда ўқув ишлари бўйича проректор, 2003—2004-йилларда сиртқи таълим факултети декани, 2004—2014-йилларда молия-иқтисодиёт ишлари бўйича проректор лавозимида фаолият кўрсатган[1].
Вафоти
Маҳмудхон Исмоилов 2015-йил 2-августда вафот этган[1].
Илмий фаолияти
Маҳмудхон Исмоилов 70 дан ортиқ илмий-услубий ишлар, жумладан, 2 та монография, 3 та методик тавсиялар муаллифи. 1972—1976-йилларда Москва шаҳридаги Бутуниттифоқ қишлоқ хўжалигини электрлаштириш илмий-тадқиқот институти аспирантурасида ўқиган, 1977-йилда номзодлик ишини ёқлаб, техника фанлари номзоди илмий даражасини олган[1].
Мукофотлари
- „Шуҳрат“ медали (1995);
- „Ўзбекистон Республикаси мустақиллигига 20 йил“ эсдалик нишони (2011)[1].