Malak Yusuf Afgʻon
Malak Yusuf Yasin xel, Dilsak afgʻoni boʻlib, Ali (Marroniy Bobo, Chorsadda)ning otasi boʻlgan. U pushtun xalqi orasida Shohid bobo sifatida tanilgan. Malak Yusuf Gʻaznaviylar qoʻshinida afgʻon brigadasining qoʻmondoni boʻlgan. 977-yilda Sabuktegin Qandahorni egallaydi. Shunday yutuqni inobatga olib, Jayapala oʻz qoʻshiniga Gʻazna tomonga yurish qilishni buyurdi, biroq u Sebuktegin tomonidan magʻlub etildi. Oradan koʻp oʻtmay, Sabuktegin Peshovarni zabt etdi va oʻz hududlarini Nilob (Hind daryosi) tomon kengaytirdi. 992-yilda u boshqa afgʻon askarlari bilan birga Radja Jay Palga qarshi jangda halok boʻlgan. Uning mozori (ziyoratgoh) Mardon shahrida joylashgan[1]. U Yusuf Xelning, yaʼni Yasin Xelning bir tarmogʻi boʻlgan sulolaning ajdodi hisoblanadi[2].
Ali ibn Yusuf, Malak Yusuf Afgʻonning oʻgʻli va olim boʻlib, otasining vafotidan so‘ng oqsoqollar tomonidan Dilsak qabilasining sardori etib saylangan. U pushtun tarixida Marroniy Bobo ("Jasur avliyo") nomi bilan mashhur. Peshovarda mustahkam hokimiyatni qo‘lga kiritgach, u Gʻaznaviylar imperiyasi tomonidan mintaqaning bosh qozisi etib tayinlangan[3]. U, shuningdek, Qazyon sulolasining asoschisi hisoblanadi[4]. U Chorsaddada Hind Shohi qo‘shinlariga qarshi kechgan urushda halok bo‘lgan.