Manituveyj

Манитувейж - Канаданинг Онтарио провинсиясидаги колчеданли кумушмисрух рудалари конлари гуруҳи. Юқори кўлдан шим.да жойлашган. 1950-йилдан Геко ва Уайлрой конларидан, бошқа конлардан 1964-йилдан қазиб олинади. Руда майдони архей даврининг амфиболит ва кристалли сла-нецлари, шунингдек, уларни ёриб ўтган метаморфиклашган габбродиабаз жинсларидан тузилган. Қатлам ва линза шаклларидаги руда таналари кристаллик сланецлар ва амфиболитлар орасида деярли горизонтал ҳолатда жойлашган. Рудадаги асосий минераллар: пирит, пирротин, сфалерит; қолгани — халкопирит, галенит; норудаси — кварс. Разведка қилинган руда захираси 40 млн. т дан зиёд. Руда таркибидаги Зн 3,7 —4,6%, Си 1,9 —2,1%, Сн 0,32%; Аг 55 —69 г/т. Руда карер усулда ва ер остидан қазиб олинади.