Maqomot

Мақомот (арабча — мақомлар) — 1) Ўрта аср мусулмон Шарқи халқлари мусиқа илмида пардалар, товушқаторлар, куй-оҳанглар ва жинсжамлар мажмуи. Илмий. атама сифатида илк бор Қутбиддин аш-Шерозий (13—14-асрлар)нинг "Дуррат уттож ли ғуррат уддебож" ("Подшоқ тожининг гавҳари") қомусида, мусиқа илмига бағишланган бўлимда қўлланган; 2) Ўрта ва Яқин Шарқ халқлари мумтоз мусиқа санъатида муайян товушқаторлар ва усуллар тизимига асосланган мақом, муқом, муғом, навба, дастгоҳ, тақсим (тақасим), пешрав каби туркум жанрларига нисбатан ишлатиладиган умумназарий тушунча; 3) Ўрта аср Шарқ адабиётида насрий туркум жанри. Ал-Ҳаририй, алҳамадоний каби араб адибларининг "М."лари жаҳон адабиётида машҳур бўлиб, Европа тилларига таржима қилинган.