Margaret Abbott
Маргарет Ивес Абботт (1878-йил 15-июн – 1955-йил 10-июн) – америкалик ҳаваскор голф ўйинчиси. Олимпия мусобақаларида ғолибликни қўлга киритган илк америкалик аёл. 1900-йилги Ёзги Олимпия ўйинларининг аёллар ўртасидаги баҳсларида олтин медални қўлга киритган.
Маргарет Ивес Абботт 1878-йилда Калкутта шаҳрида туғилган. 1884-йилда оиласи билан Чикагога кўчиб ўтган. Кейинчалик Иллиноис штатининг Wҳеатон шаҳридаги Чикаго голф клубига аъзо бўлган ва у ерда Чарлес Б. Макдоналд ва Ҳ. Ж. Wҳигҳамдан мураббийлик сабоқларини олган. 1899-йилда Абботт онаси билан санъат соҳасидаги билимларини ошириш мақсадида Парижга боради. Кейинги йили эса онаси билан биргаликда иккинчи замонавий Олимпиада ўйинларининг аёллар голф турнирига ёзилади, бироқ ушбу мусобақанинг Олимпиада ўйинлари эканлигини билмайди. Ушбу турнирда Абботт 47 зарба билан ғолиб чиққан, онаси эса 7-ўринни эгаллаган. Ҳаваскор спортчига мусобақа соврини сифатида чинни идиш берилган.
1902-йилнинг декабрида Абботт ёзувчи Финлей Петер Дуннега турмушга чиққан. Кейинчалик улар Ню-Ёркка кўчиб ўтган ва тўрт нафар фарзанд кўрган. Абботт 1955-йилда 76 ёшида вафот этган. Аббот тириклик чоғида айнан Олимпия ўйинларида ғалаба қозонганлигини билмаган. Флорида университети профессори Паула Wелч Маргарет Абботнионг ҳаётини ўрганмагунга қадар ҳаваскор спортчи ҳақида кўпчилик унчалик яхши билмаган. 2018-йилда унинг кечиккан некрологи Тҳе Неw Ёрк Тимес журнали томонидан нашр қилинган.
Ҳаёти ва фаолияти
Ҳаётининг илк даврлари
Маргарет Ивес Абботт 1878-йил 15-июнда Калкутта шаҳрида Чарлес ва Марй Ивес Абботтлар оиласида дунёга келган. Унинг отаси 1879-йилда вафот этган бадавлат америкалик савдогар бўлган. Отасининг ўлимидан кейин Маргарет онаси ва укалари билан бирга Бостонга кўчиб ўтган. Унинг ўсмирлик йилларида онаси Чиcаго Ҳералд газетасининг адабий муҳаррири сифатида фаолият юритган. 1884-йилга келиб Абботтлар оиласи Чикагога кўчиб ўтган.
ХИХ аср охирида аёлларнинг турли спорт турлари бўйича мусобақаларда қатнашиши чекланган эди. Голф клублар аёлларга фақат эркак киши билан ҳамроҳ бўлибгина ўйинларда иштирок этишга рухсат берган. Абботт онаси билан биргаликда Чикаго чеккасидаги Wҳеатонда жойлашган Чикаго голф клубида шуғуллана бошлаган. Унга ҳаваскор голф ўйинчилари Чарлес Б. Маcдоналд ва Ҳ. Ж. Wҳигҳамлар мураббийлик қилган. Абботт ва Маcдоналд 1897-йилда Wашингтон Паркидаги турнирда иштирок этган. Маргарет, шунингдек, бир нечта маҳаллий турнирларда ғолиб чиққан. 1899-йилга келиб 2 та ҳандикапга эга эди. У ўйинларда кучли рақобатчи ҳисобланган[1]. Ўша йили Абботт онаси билан Парижга саёҳат қилган. Унинг онаси тадқиқот олиб борган ва "А Wоманъс Парис: А Ҳандбоок оф Эверй-дай Ливинг ин тҳе Френч Cапитал (1900) қўлёзмасини ёзган. Маргарет Аугусте Родин ва Эдгар Дегас билан бирга санъат соҳасида билим олган.