Mariella

Мариэлла кемаси, Кустанмиэкка бўғози (Хелсинки)

Мариэлла - Финландиянинг Викинг Лине компаниясига қарашли, 11 палубали кема. У Хелсинки — Мариэҳамн / Лангнäс — Стокголм йўналиши бўйича мунтазам рейсларни амалга оширади. 1985-йилда СФ Лине юк ташиш компанияси буюртмасига асосан, Викинг Лине корпарациясининг бир қисми сифатида қурилган.

Қурилиш

Кема Финландиянинг Турку шаҳридаги Wäрцила кемасозлик заводида қурилган. Ишга тушириш режаси 1984-йил 8-апрелда тузилган ва шу йилнинг 28-сентабрда ишга туширилган. У 1989-йилгача дунёдаги энг катта (круиз пароми) кема бўлган.

Кемани сувга тушириш ишлари 1984-йил 18-апрелда бошланган бўлса, 1984-йил 28-сентабрда у ишга туширилди. Денгиз синовларидан мувафақиятли ўтган кема, 1985-йил 18-майда СФ-Лине АБ (Викинг Лине корпарацияси оператори) га топширилди.

Эксплуатация

Мариэлла кемаси Хелсинки-Мариэҳамн/Лонгнаэс-Стокголм йўналиши бўйича энг узун узлуксиз ишлаш бўйича рекордчи ҳисобланади.

1996-йилнинг ёз мавсумида Хелсинкида тўққиз соатлик дам олиш вақтининг ўрнига Мариэлла жадвалига Хелсинкидан Таллинга тўхтаб ўтиш режаси тузилди ва амалга оширилди, бироқ бу режа амалда ўзини қоқламади ва йўналиш ёпилди.

2000-йил сентабр ойида Мариэлла пароми Наантали заводида модернизация қилинди. Орқа пандуслар ва янги тезюрар қутқарув қайиқлари ўрнатилди. Ички кўриниши ҳам сезиларли даражада янгиланди ва жамоат жойлари қайта қурилди.

Кейинги катта таъмирлаш 2006-йил сентабр ойида Наантали шаҳрида бўлиб ўтди. Бу сафар бож олинмайдиган савдо дўкони қайта қурилиб, янги дискотека зали ва яна 1 та ресторан барпо этилди.

Қизиқарли фактлар

Мариэлла 1994-йил сентабрида Эстониядаги кема ҳалокатига етиб келган биринчи паром эди. Қутқарув операциялари давомида экипажда 15 нафар тирик қолган одамлар бортга олиб чиқди. Яна 11 киши қутқарув вертолётида олиб келинди, чунки Мариэлла бортидан қутқарув операцияси давомида вертолёт қўнадиган жой сифатида фойдаланилган.

Деярли барча Викинг Лине кема (энг янги Викинг ХПРС ва Викинг Грейсдан ташқари) номларининг охирги қисми -элла қўшимчаси билан (Габриэлла, Мариэлла, Аморелла, Роселла, Cиндерелла). Ушбу анъана компания асосчисининг рафиқаси шарафига ташкиллаштирилган.