Marika Ninou
Марика Ниноу (юнонча: Μαρίκα Νίνου; туғилган вақтидаги исм-фамилияси: Эвангелиа Атамиан Ευαγγελία Αταμιάν; 1922-йил – 23-феврал 1957-йил) арман-юнон[1][2] ребетико қўшиқчиси.
Марика Ниноу Μαρίκα Νίνου | |
|---|---|
 | |
| Таваллуди |
Эвангелиа Атамиан 23-феврал 1922-йил |
| Вафоти |
(агед 35) Греция |
| Жанрлар | Ребетико |
| Касби | қўшиқчи |
| Фаолият йиллари | 1940-йиллар-1957-йил |
Ҳаёти
Марика Ниноу 1922-йилда онаси, икки опаси ва саккиз ёшли акаси Баркев Атамянни Смирнадан (ҳозирги Измир) Пирейга олиб келган „Эвангелистрия“ кемасида туғилган. У туғилган вақтида анча нимжонлиги учун яшамайди, деб ўйлаб, уни омборга олиб кетишган. Бироқ, у тирик бўлган ва Эвангелистрия кема капитани дарҳол уни сувда чўмилтирган. Шу воқеа сабабли ҳам, уни Эвангелиа деб аташади (юнонча „Хушхабар элтувчи, хушхабарчи“ деган маънони англатади).
Грецияда етиб келгач, унинг оиласи Коккинияда, Мегара кўчаси, 50-уйда яшай бошлашган. Етти ёшида Марика Ниноу Коккиниядаги Грециянинг „Завариан“ кўк хоч арман мактабида ўқишни бошлаган.
У ерда Марика Ниноу мандолин чалишни ўрганади ва мактаб оркестрига қўшилади. Ўша вақтда, овозидаги ноёб хислатлари туфайли Марика Ниноу Коккиниядаги Авлиё Хагоп арман черковида куйлай бошлайди.
1939-йилда у биринчи турмуш ўртоғи Ҳаиг Месробиан билан оила қуради. Ҳаиг чилангар бўлган ва Коккинияда ўз дўконига эга эди. 1940-йилда уларнинг ўғли Ованес дунёга келади. 1947-йилда Совет кемалари Арманистонга кетмоқчи бўлган арманларни олиб кетиш учун Грецияга келади. Салоники ва Афинадаги арман аҳолисининг ярми кемада мамлакатдан чиқиб кетади. Улар орасида хотини ва ўғлини Грецияда ташлаб кетган Марика Нинунинг эри Ҳеиг Месробиан ҳам бор эди.
Марика Ниноу 1944-йилда акробат Никос Николаидес – „Нино“ билан танишади ва унга турмушга чиқади. Улар биргаликда „Тҳе Дуо Нино“ сифатида чиқиш қила бошлайдилар. Мариканинг ўғли ҳам бу жамоага қўшилгач, уларни „Икки ярим Нино“ номи билан атай бошлашади.
Нинолар ижросидаги куйни рассом Петрос Кйриакос эшитиб қолади ва Марика Ниноуни Манолис Чиотисга у билан ишлаши бўйича тавсия қилади. Чиотис 1948-йилда у билан иккита қўшиқ ёзган. 1948-йил ноябр ойида Марика Ниноу Йианнис Папаиоанноу билан Фагес То Паиди қўшиғини куйлаган.
1948-йил октябр ойида Стелакис Перпиниадис (юнонча: Στελλάκης Περπινιάδης) Марика Ниноуни Флорида клубида қўшиқчи сифатида ишлашга таклиф этади. Кейинчалик, маошнинг камлиги сабабли Марика Ниноу Флорида клубида ишлашдан бош тортади. Ўша вақтда унинг маоши кунлик 25 драҳмани ташкил этган.
1949-йилга келиб, Ниноу Вассилис Цицанис билан Фат Жиммйда ишлай бошлайди, бу ердаги фаолият уларнинг ҳаётида ҳал қилувчи рол ўйнайди. Цицанис-Ниноу жуфтлиги Греция мусиқаси тарихида жуда муҳим ўрин эгаллайди. 1949-йилда Ниноу биринчи марта Гиоргос Мицакис учун қўшиқ ёзган. Ўша йилнинг октябр ойида у Вассилис Цицаниснинг „Фор Мй Эес И Лове“ қўшиғини ёзади.
1951-йил октябр ойида Ниноу Цицанис билан Истанбулда концерт беради, аммо шу консертдан кейин улар алоҳида ишлашга қарор қилишади[3].
Марика Ниноунинг Жимис тоу Ходроу тавернасидаги чиқишларидан бири 1977-йилда ҳаваскор рассом томонидан ишланган расм билан, 1955-йилда магнитафонга ёзиб олинган дискда сотувга чиқарилади. Ушбу ёзувнинг муқовасидаги эслатмада унинг ҳаёти ҳақида кўплаб ноаниқликлар мавжуд, аммо унинг арман миллатига мансублиги беркитилмаган.
1951-йил октябр ойида у Цицанис ва Эвангелия Маргаронис билан бирга Константинополнинг Касабланка марказида бир неча марта чиқиш қилади ва улар улкан муваффақиятга эришишади. Уларнинг маоши Цицанис учун уч фунт, Ниноу учун икки фунт ва Маргарони учун бир фунтни ташкил этган.
Марика Ниноу архонторебетика йўналишидаги баъзи қўшиқларни ҳам муваффақиятли тарзда куйлаган, у ўз овози билан ишлаб, уни ребетикага ўхшатади ва шу орқали ўз йўналишини бошқа ижтимоий қатламга ўтказади.
1954-йилда Марика Ниноу бачадон саратонидан азият чекаётгани аниқланади.
1954-йилда Америка Қўшма Штатларига жўнаб кетишдан олдин, Марика Ниноу Афинада саратон операциясини бошидан ўтказади. Унинг АҚШга кетишига асосий икки сабаби бўлган. Биринчи сабаб, қўшиқ куйлаш ва шу тариқа саратон касаллигидан азият чеккан акаси Баркев ва ўзининг ўғли Ованеснинг тўрт кишилик оиласига ёрдам бериш бўлган. Иккинчи сабаб, у ерда эшитган даволашнинг энг яхши усулларини ўзида синаб кўриш эди. Бахтга қарши, унинг саратон касаллиги АҚШга борган вақтида танасида тез тарқала бошлайди ва шу сабабли, Грецияга қайтиб келади. Узоқ вақт касаллик билан курашганига қарамай 35 ёшида саратондан вафот этади.
Мероси
Марика Ниноу ноёб овоз баландлиги ва бенуқсон оҳангнинг баланд тонига эга эди, ҳамда ҳиссиёт билан шиддатли тарзда куйлаган. У жами 174 та қўшиқ ёзган, шулардан 119 таси қўшиқчи сифатида фаолият бошлаганидан сўнг куйланган.
Cостас Феррис режиссёрлиги остида суратга олинган „Рембетико“ филми Марика Ниноунинг ҳаётига асосланган[4].
Манбалар
- ↑ Эпи тēс оусиас : студиэс ин ҳоноур оф Жусси Корҳонен Купула: . Финланд, Ҳелсинки: Боокс он Деманд, 2008. ИСБН 9789524980777.
- ↑ Греэк, оригинал техт бй Элиас Петропоулос ; транслатед фром тҳе. Сонгс оф тҳе Греэк ундерwорлд : тҳе Ребетика традитион. Лондон: Сақи, 2000. ИСБН 9780863563980.
- ↑ Wорлд мусиc, Неw Броугҳтон: , Лондон: Роугҳ Гуидес, 1999. ИСБН 9781858286358.
- ↑ Интернатионал филм гуиде 1985, 22нд упдатед Cоwиэ: , Лондон: Тантивй Пресс, 1984. ИСБН 9780900730221.