Ziyosfera

Marta Ehrlich

Марта Эҳрлич (1910-йил 27-апрел, Загреб – 1980-йил 15-март) хорватиялик аёл рассом.

Марта Эҳрлич
Таваллуди 27-апрел 1910-йил
Загреб, Австрия-Венгрия империяси, (ҳозида Хорватия)
Вафоти 15-март 1980-йил(1980-03-15)
(69 ёшда)
Загреб, СФР Югославия
Таълими Загреб университетининг Тасвирий санъат академияси
Касби рассом
Турмуш ўртоғи Камило Томпа

Ҳаёти

Марта Эҳрлич 1910-йил 27-апрелда Хорватиянинг пойтахти Загреб шаҳрида туғилган. У Эрнест ва Эрна Лаура Эҳрличларнинг фарзанди бўлиб, бадавлат яҳудий оиласида ўсган[1]. Унинг отаси қурилиш пудратчиси, онаси эса мактаб ўқитувчиси эди. Эҳрличлар Загребнинг таниқли оилаларидан бири бўлган, унинг амакиси архитектор Ҳуго Эҳрлич ва холаси рассом ва Холокостдан омон қолган Мира Клобуčар эди. Иккинчи жаҳон урушидан олдин Марта Эҳрлич ота-онаси ва икки укаси билан амакиси Ҳуго Эҳрлич томонидан бунёд этилган Туšканаcдаги виллада яшаган. У Загребдаги бошланғич ва ўрта мактабларда таълим олган. Марта Эҳрлич 1934-йилда Загреб университетининг Тасвирий санъат академиясини тамомлаган. Ўқишни тугатгандан сўнг, Эҳрлич 1935-йилда Парижга жўнаб кетган ва у ерда турли хил расм чизиш усуллари бўйича маҳоратини ошира бошлаган. У Парижда уч йил давомида ижод қилган, кейин Загребга, оиласи олдига қайтиб келган. Загребга қайтгач, Марта Эҳрлич Владимир Бечичдан индивидуал тарзда сабоқ олган. Эҳрличнинг дастлабки фаолияти Бечичнинг таъсири билан ажралиб турарди. Ўз фаолияти давомида Марта Эҳрлич Хорватия тасвирий санъатининг бебаҳо қисмини ташкил этувчи ажойиб 227 та расмни яратган. Эҳрлич рассом Камило Томпага турмушга чиққан, у билан Шубичева кўчасидаги уйда яшаб, ўша ерда ишлаган. У ўз жонига қасд қилишдан икки йил олдин, 1978-йилгача расм чизган[2][3][4][5].

Вафоти

Марта Эҳрлич 1980-йил 15-мартда ўз жонига қасд қилган. Мирогож қабристонига Марта Томпа исм-шарифи билан дафн этилган[6].

Манбалар

  1. ↑ Снжеšка Кнеžэвиć (2011)
  2. ↑ Киš, Патриcиа. „ПОНОВНО ОТКРИВЕНА Сликариcа Марта Эҳрлич: Лжепотиcа кожа ниже била роб конвенcижа“ (ҳр). Жутарнжи лист (2012-йил 19-декабр). Қаралди: 2012-йил 29-декабр.
  3. ↑ Кć., Д.. „Ретроспективна излоžба сликариcе Марте Эҳрлич“ (ҳр). Глас Славониже (2012-йил 21-декабр). 2016-йил 3-мартда асл нусхадан архивланган. Қаралди: 2012-йил 29-декабр.
  4. ↑ Дугандžижа, Миржана. „Уклета сликариcа“ (ҳр). Глобус (2012-йил 19-декабр). 2014-йил 2-январда асл нусхадан архивланган. Қаралди: 2020-йил 23-октябр.
  5. ↑ „Марта Эҳрлич биографижа“ (ҳр). Модерна галерижа. 2012-йил 9-октябрда асл нусхадан архивланган. Қаралди: 2012-йил 29-декабр.
  6. ↑ (хорватча) Градска гроблжа Загреб: Марта Томпа, Мирогож ЭВГ-1-ИИ/И-30

Адабиётлар

  • Снжеšка Кнеžэвиć, Александер Ласло. Žидовски Загреб. Загреб: АГМ, Žидовска опćина Загреб, 2011. ИСБН 978-953-174-393-8. 
"https://new.ziyosfera.uz/ziyo/Marta_Ehrlich" dan olindi